ကစားသမားဘဝ ပထမဆုံး ဂရင်းစလမ်ချန်ပီယံဆုအဖြစ် ပြင်သစ်အိုးပင်းချန်ပီယံဆုကို ရယူနိုင်ခဲ့တဲ့ ရုရှားတင်းနစ်မယ် အန်ဒရီဗာက နောက်ထပ် အောင်မြင်မှုတွေ ထပ်ရဖို့အတွက် ခွန်အားဖြစ်စေခဲ့တယ်လို့ ပြောကြားလိုက်ပါတယ်။ စနေညက ယှဉ်ပြိုင်ခဲ့တဲ့ ပြင်သစ်အိုးပင်းတင်းနစ် အမျိုးသမီးတစ်ဦးချင်း ဗိုလ်လုပွဲမှာ အန်ဒရီဗာက ပိုလန်တင်းနစ်မယ် ဟွာလင်စကားကို (၆း၃၊၆း၂)ဆိုတဲ့ရလဒ်နဲ့ အနိုင်ရခဲ့တာဖြစ်ပြီး ၁၉၉၂ ခုနစ်က ချန်ပီယံဖြစ်ခဲ့တဲ့ မိုနီကာ ဆဲလက်စ်ပြီးနောက် ပြင်သစ်အိုးပင်းချန်ပီယံဆုကို ရယူနိုင်တဲ့ အသက်အငယ်ဆုံး တင်းနစ်မယ်အဖြစ် မှတ်တမ်းဝင်ခဲ့ပါတယ်။
ပြင်သစ်အိုးပင်းပြိုင်ပွဲတစ်လျှောက် ယှဉ်ပြိုင်နေစဉ်အတွင်း အကောင်းဆုံး ကြိုးစားနိုင်တဲ့အတွက် အခုလို ချန်ပီယံဆုရခဲ့တာဖြစ်သလို ကစားသမားဘဝ ပထမဆုံး ဂရင်းစလမ်ချန်ပီယံဆုကို ရယူနိုင်ဖို့က ဘယ်လောက်ခက်ခဲသလဲဆိုတာ အားလုံးသိရှိကြမှာ ဖြစ်တယ်လို့ ဆုလက်ခံရယူအပြီးမှာ အန်ဒရီဗာက ဖွင့်ဟခဲ့ပါတယ်။ ဗိုလ်လုပွဲမှာ ရှုံးနိမ့်ခဲ့ရပေမဲ့ အသက် ၂၄ နှစ်အရွယ် ပိုလန်တင်းနစ်မယ် ဟွာလင်စကားကလည်း လက်ရည်စစ်ပွဲကနေ ဗိုလ်လုပွဲအထိ တက်လှမ်းလာနိုင်ခဲ့တဲ့အတွက် ပြင်သစ်အိုးပင်းပြိုင်ပွဲက ပေးအပ်တဲ့ အထူးဆုကို လက်ခံရရှိသွားခဲ့ပါတယ်။
