ဟစ်ဇ်ဘိုလာရဲ့ငြင်းပယ်မှုကြောင့် လက်ဘနွန် အပစ်အခတ်ရပ်စဲရေး မရေမရာဖြစ်နေတယ်လို့ CNN သတင်းမှာ ဖော်ပြထားပါတယ်။ လက်ဘနွန် အပစ်အခတ်ရပ်စဲရေး မရေမရာဖြစ်နေတဲ့အပြင် အီရန်စစ်ပွဲကို အဆုံးသတ်ဖို့ အလားအလာတွေလည်း မှုန်ဝါးလာနေပါတယ်။ အီရန်ကျောထောက်နောက်ခံပြု ဟစ်ဇ်ဘိုလာ စစ်သွေးကြွအဖွဲ့ ဟာ ဇွန်လ ၄ ရက်က လက်ဘနွန် အပစ်အခတ်ရပ်စဲရေးအသစ်ကို ငြင်းပယ်ခဲ့တာ ဖြစ်ပါတယ်။
ဒါဟာ တီဟီရန်နဲ့ ငြိမ်းချမ်းရေးတည်ဆောက်ဖို့ ကြိုးပမ်းနေတဲ့ အမေရိကန်သမ္မတ ဒေါ်နယ်ထရမ့်ရဲ့ ကြိုးပမ်းမှုတွေကို ထိခိုက်စေခဲ့ တာလည်း ဖြစ်ပါတယ်။ အပစ်အခတ်ရပ်စဲရေး သဘောတူညီချက်ရဲ့ အသေးစိတ်အချက်အလက်တွေ (ဥပမာ – နယ်စပ်လုံခြုံရေး ကြီးကြပ်မှုနဲ့ စစ်တပ်ရုပ်သိမ်းရေးဆိုင်ရာ စည်းကမ်းချက်တွေ)အပေါ်မှာ သက်ဆိုင်ရာ အဖွဲ့ အစည်းတွေကြား ညှိနှိုင်းရခက်ခဲနေဆဲ ဖြစ်ပါတယ်။ နိုင်ငံရေးအရ ဆွေးနွေးမှုတွေ ရှိနေပေမဲ့ မြေပြင်မှာတော့ တိုက်ခိုက်မှုတွေက လျော့ကျမသွားဘဲ တစ်ဖက်နဲ့တစ်ဖက် စစ်ရေးအသာစီးရဖို့ ဆက်လက် ကြိုးပမ်းနေကြတာ ကြောင့် အပစ်ရပ်ရေးလမ်းစ ပျောက်နေတာ ဖြစ်ပါတယ်။
