“ One Big Beautiful Bill Act” လို့ သိကြတဲ့ ကျယ်ကျယ်ပြန့်ပြန့်အသုံးစရိတ်နဲ့ အခွန်ဥပဒေပြဌာန်းချက်ကို ဇူလိုင်လ၄ရက်ကအိမ်ဖြူတော်မှာအမေရိကန်သမ္မတဒေါ်နယ်ထရမ့်က လက်မှတ်ရေးထိုးခဲ့ကြောင်း Reuters သတင်းကဖော်ပြထားပါတယ်။
ထရမ့်က အဲဒိဥပဒေကြမ်းကို လက်မှတ်ရေးထိုးခဲ့ပြီး ရီပတ်ဘလီကန် ကွန်ဂရက်လွှတ်တော် ခေါင်းဆောင်တွေ ၊ အစိုးရအဖွဲ့ဝင် တွေနဲ့ ဓာတ်ပုံရိုက်ကာ ထောက်ခံအားပေးသူတွေနဲ့ ပျော်ရွှင်စွာ မိန့်ခွန်းပြောကြားခဲ့တယ်လို့ သိရပါတယ်။ဥပဒေကြမ်း အဆုံးအဖြတ်က နိုင်ငံ စီးပွားရေးတိုးတက်မှုကို မြှင့်တင်ပေးမှာဖြစ်သလို ထရမ့်နဲ့ ရီပတ်ဘလီကန်မဟာမိတ်တွေအတွက် ကြီးကြီးမားမားအောင်မြင်မှုရရှိနိုင်မှာဖြစ်ပြီး နိုင်ငံတော် ကြွေးမြီဒေါ်လာ ၃ ထရီလျံကျော် လျော့ချပေးနိုင်မှာဖြစ်တယ်လို့ ခန့်မှန်းထားကြပါတယ်။
“ One Big Beautiful Bill Act” က အကြီးမားဆုံး အခွန်ဖြတ်တောက်မှု၊ အကြီးမားဆုံး အသုံးစရိတ်ဖြတ်မှု၊ အမေရိကန်သမိုင်းမှာ အကြီးဆုံး နယ်စပ်လုံခြုံရေး ရင်းနှီးမြှုပ်နှံမှုပဲ” လို့ ထရမ့်ကပြောကြားထားပါတယ်။ဥပဒေကြမ်းနဲ့ ပတ်သက်ပြီး တင်းမာတဲ့သဘောထားကွဲလွဲမှုတွေရှိနေပေမယ့် “ One Big Beautiful Bill Act” က ဖက်ဒရယ်ကျောထောက်နောက်ခံပြုထားတဲ့ ကျန်းမာရေးအာမခံနဲ့ စားနပ်ရိက္ခာအကူအညီ အကျိုးခံစားခွင့်တွေ အပြင် ဝင်ငွေနည်းအမေရိကန်နိုင်ငံသားတွေကို ချမ်းသာကြွယ်ဝအောင်ဖန်တီးပေးနိုင်မှာဖြစ်တယ်လို့ သိရပါတယ်။
