‎နိုင်ငံတော်ယာယီသမ္မတ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ ခါးကျီးပေါင်းရောဂါကြောင့် အာရုံကြောညပ်တဲ့ ဝေဒနာခံစားခဲ့ရတဲ့ အတွက် အရေးပေါ်ခွဲစိတ်ကုသမှုကို ၂ နာရီကြာ ပြုလုပ်ခဲ့တယ်လို့ အမျိုးသားကာကွယ်ရေးနှင့်လုံခြုံရေးကောင်စီ က မတ် ၂၃ ရက်မှာ ထုတ်ပြန်ပါတယ်။

‎ဗိုလ်ချုပ်မှူးကြီး မင်းအောင်လှိုင်အနေနဲ့ အရေးပေါ် ခွဲစိတ်ကုသမှုကို မတ် ၂၀ ရက်က အမှတ်(၂) တပ်မတော် ဆေးရုံကြီး(ခုတင် ၁၀၀၀) နေပြည်တော်မှာ ပြုလုပ်ခဲ့တယ်လို့ ဆိုပါတယ်။ ‎‎ခွဲစိတ်ကုသမှုကိုတော့ အိန္ဒိယနိုင်ငံက ပါရဂူတွေနဲ့ မြန်မာ့တပ်မတော်ဆေးတပ်ဖွဲ့တို ပူးပေါင်းပြီး အရေးပေါ် ခွဲစိတ် ကုသမှု ၂ နာရီကြာ ပြုလုပ်ခဲ့တာလို့ ထုတ်ပြန်ချက်အရ သိရပါတယ်။လက်ရှိမှာတော့ ခွဲစိတ်ကုသမှုအောင်မြင်ပြီး နိုင်ငံ့တာဝန်နဲ့ တပ်မတော်တာဝန်တွေကို ကျန်းမာစွာ ထမ်းဆောင်နေ တယ်လိုလည်း ထုတ်ပြန်ထားပါတယ်။

Please leave this field empty

သတင်းများကို ‌နေ့စဥ် အီမေးလ်သို့ ရယူဖတ်ရှုနိုင်ရန် မှတ်ပုံတင်ထားပါ!

We don’t spam! Read our privacy policy for more info.

Check your inbox or spam folder to confirm your subscription.