အရည်အသွေးမြင့် လူငယ်တိုက်စစ်မှူး ရိုဘီနီယိုဗက်ဇ်ကို မာဆေးလ်အသင်းဆီကနေ ယူရို ၂၅ သန်းနဲ့ ရိုးမား အသင်းခေါ်ယူလိုက်ပါတယ်။

မာဆေးလ်အသင်း ကြေညာချက်မှာတော့ အသက် ၁၈ နှစ်အရွယ် တိုက်စစ်မှူး ဗက်ဇ် အတွက် ရိုးမားအသင်းက ပြောင်းရွှေ့ကြေးအပြင် အနာဂတ်ရောင်းချရမှုကနေ ၁၀ ရာခိုင်နှုန်းကိုလည်း ပေးဖို့ သဘောတူညီခဲ့တယ်လို့ ရေးထားပါတယ်။

ရိုးမားအသင်းဟာ ဗက်ဇ်ကို ၂၀၃၀ အထိသက်တမ်းရှိတဲ့ ၄ နှစ် စာချုပ်ချုပ်ဆိုခဲ့တာဖြစ်ပြီး ဗက်ဇ်ဟာ အနာဂတ်မှာ တောက်ပလာမယ့် လူငယ်တိုက်စစ်မှူးအဖြစ် သတ်မှတ်ခြင်း ခံထားရတာလည်းဖြစ်ပါတယ်။

ဗက်ဇ်ဟာ နည်းပြဒီဇာဘီလက်ထက် ပြီးခဲ့တဲ့နှစ် ဇန်နဝါရီမှာ မာဆေးလ်အသင်း အတွက် ပထမဆုံးပွဲထွက်ခွင့်ရခဲ့ပြီးနောက် အခုရာသီ ပြင်သစ်လိဂ်မှာ ပွဲထွက်ကစားမှု ၃ ပွဲအပါအဝင် လိဂ်ပွဲ ၁၄ ပွဲ ပါဝင်ကစားပေးထားပြီး ၄ ဂိုးသွင်းကာ ၂ ဂိုးဖန်တီးပေးထားတာဖြစ်ပါတယ်။

ရိုးမားအသင်းဟာ ဗက်ဇ်ကို အနာဂတ်အတွက် ရင်းနှီးမြှပ်နှံမှုအဖြစ် ရှုမြင်ထားပြီး ဗက်ဇ်အနေနဲ့ အီတလီမှာ သူ့ရဲ့ခြေစွမ်းတိုးတက်လာမှုကို ရှာဖွေနိုင်လိမ့်မယ်လို့ မျှော်လင့်ပြီး ခေါ်ယူလိုက်တာဖြစ်ပါတယ်။

လူငယ်တိုက်စစ်မှူး ဗက်ဇ်ဟာ ရိုးမားအသင်းမှာ ကျောနံပါတ် ၇၈ အင်္ကျီကို ဝတ်ဆင်ဖို့ ရွေးချယ်ထားတယ်လို့ သိရပါတယ်။

Please leave this field empty

သတင်းများကို ‌နေ့စဥ် အီမေးလ်သို့ ရယူဖတ်ရှုနိုင်ရန် မှတ်ပုံတင်ထားပါ!

We don’t spam! Read our privacy policy for more info.

Check your inbox or spam folder to confirm your subscription.