ထရမ့်အစိုးရဟာ အေအိုင်ဖွံ့ဖြိုးတိုးတက်ရေးအတွက် ပြီးပြည့်စုံတဲ့အစီအစဉ်တစ်ခုကို ထုတ်ဖော်ပြသလိုက်ပြီး ဗျူရိုကရေစီ အတားအဆီးတွေနဲ့ နိုင်ငံရေးဘက်လိုက်မှုတွေကို ဖယ်ရှားပစ်ဖို့ ကတိပြုလိုက်ကြောင်း BBC သတင်းမှာ ဖော်ပြထားပါတယ်။၂၈ မျက်နှာပါတဲ့ AI ဖွံ့ဖြိုးရေးအစီအစဉ်မှာ အလျင်အမြန်တိုးတက်နေတဲ့နည်းပညာအတွက် မူဝါဒ ၉၀ ကျော် ပါဝင်ပြီး နောက်နှစ်အတွင်း အကောင်အထည်ဖော်မယ်လို့ စီမံခန့်ခွဲရေးအရာရှိတွေက ပြောဆိုထားပါတယ်။
ကျွန်တော်တို့က AI ပြိုင်ပွဲကို ရောက်နေတာဖြစ်ပြီး အဲဒီပြိုင်ပွဲမှာ အမေရိကန်ကို နိုင်စေချင်ပါတယ်လို့ ထရမ့် အစိုးရရဲ့ ခရစ်ပ်တိုကျွမ်းကျင်သူ ဒေးဗစ်ဆက်စ်က သတင်းထောက်တွေကို ပြောကြားခဲ့ပါတယ်။ AI အစီအစဉ်က ဒေတာစင်တာအခြေခံအဆောက်အအုံ တည်ဆောက်ဖို့နဲ့ အမေရိကန်နည်းပညာကို မြှင့်တင်ဖို့ ရည်ရွယ်ထား တာဖြစ်ပါတယ်။အဲဒီအစီအစဉ်က AI ဖွံ့ဖြိုးရေးကိုအဟန့်အတားဖြစ်စေတဲ့ မူဝါဒတွေကို ပြန်သုံးသပ်ပြီး ပယ်ဖျက်ဖို့ ဖက်ဒရယ် အေဂျင်စီတွေကို တောင်းဆိုထားပြီး အစိုးရထဲမှာရော ပုဂ္ဂလိကကဏ္ဍမှာပါ AI ကို အားပေးမြှင့်တင်ဖို့ တိုက်တွန်း ထားပါတယ်။ သမ္မတဒေါ်နယ်ထရမ့်ကလည်း အဲဒါနဲ့ပတ်သက်တဲ့ အမိန့်သုံးခုကို လက်မှတ်ရေးထိုးမယ်လို့ မျှော်လင့်ရပါတယ်။ အိမ်ဖြူတော်က အမေရိကန်ရဲ့ AI စနစ်တွေဟာ နိုင်ငံရေးဘက်လိုက်မှုတွေ၊ ကြိုးကိုင် ခြယ်လှယ်မှုတွေကနေ လွတ်ကင်းပြီး AI ကဏ္ဍမှာ အမေရိကန်က ဦးဆောင်သူဖြစ်နေရမယ်လို့ ပြောဆိုထားပါ တယ်။
ဝေဖန်ရေးသမားတွေကတော့ ဒီ AI အစီအစဉ်ဟာ နည်းပညာကုမ္ပဏီကြီးတွေအတွက် အကျိုးစီးပွား မြှင့်တင်ပေးတာလို့ ငြင်းခုံထားကြပါတယ်။သမ္မတဂျိုးဘိုင်ဒင်လက်ထက်တုန်းက ဖက်ဒရယ်အစိုးရထဲမှာ AI အသုံးပြုမှုနဲ့ပတ်သက်ပြီး လုံခြုံရေးစံနှုန်းတွေ ချမှတ်တဲ့ အမိန့်တစ်ခုကို လက်မှတ်ထိုးခဲ့ပေမဲ့ သမ္မတထရမ့် စတင်တာဝန်ထမ်းတဲ့နေ့မှာပဲ အဲဒါကို ပြန်ပယ်ဖျက် ခဲ့ပါတယ်။ ဒါနဲ့ပတ်သက်ပြီး ဘိုင်ဒင်ရဲ့အရာရှိဟောင်းတစ်ယောက်က ဒီလုပ်ရပ်ဟာ အမေရိကန်ရဲ့ AI တော်လှန် ရေးကို အဆင်ခြင်မဲ့ အလောင်းအစားလုပ်ရာကျတယ်လို့ ပြောဆိုခဲ့ပါတယ်။ ပြီးခဲ့တဲ့လကလည်း ထရမ့်က အမေရိကန်နည်းပညာကုမ္ပဏီ Nvidia ကို AI ချစ်ပ်တွေ တရုတ်ကို ပြန်လည်ရောင်းချခွင့်ပြုခဲ့ပြီး အရင်အစိုးရရဲ့ ပိတ်ပင်မှုကို ပြောင်းပြန်လှန်ပစ်ခဲ့ပါတယ်။
