ရန်ကုန်တိုင်းဒေသကြီး၊ မရမ်းကုန်းမြို့နယ်မှာ အောက်တိုဘာ(၂၂)ရက် မနက်အစောပိုင်းက Level 2 အဆင့်ရှိ မီးလောင်မှုတစ်ခုဖြစ်ပွားခဲ့တယ်လို့ မြန်မာနိုင်ငံမီးသတ်တပ်ဖွဲ့ကနေသိရပါတယ်။
ဖြစ်စဉ်မှာ မရမ်းကုန်းမြို့နယ်၊ အမှတ်(၈)ရပ်ကွက်၊ ဓနသိဒ္ဓိလမ်းမှာ အောက်တိုဘာ(၂၂)ရက် မနက်(၆)နာရီကျော်အချိန်လောက်က မီးလောင်မှုဖြစ်ပွားခဲ့တာလို့ ဆိုပါတယ်။
မီးလောင်တဲ့နေရာကို သမိုင်းနယ်မြေ မီးသတ်စခန်း၊ ရန်ကင်းမြို့နယ် မီးသတ်စခန်းနဲ့ မရမ်းကုန်းမြို့နယ်မီးသတ်စခန်းတို့က မီးသတ်တပ်ဖွဲ့ဝင်တွေက မီးငြှိမ်းသတ်ယာဉ်(၅)စီးနဲ့ သွားရောက်ငြှိမ်းသတ် ခဲ့ကြပါတယ်။
မနက်(၆)နာရီ(၁၂)မိနစ်အချိန်လောက်မှာ Level 1 ယာဉ်အုပ်စု၊ (၆)နာရီ(၁၇)မိနစ်အချိန်လောက် မှာ Level 2 ယာဉ်အုပ်စုတို့နဲ့ အသီးသီးသွားရောက်ငြှိမ်းသတ်ခဲ့ရာ (၆)နာရီခွဲအကျော်လောက်မှာ မီးငြိမ်းသွားတယ်လို့သိရပါတယ်။
အဲဒီမီးလောင်မှုနဲ့ပတ်သက်လို့ စတင်လောင်ကျွမ်းရတဲ့အခြေအနေနဲ့ ပျက်ဆီးဆုံးရှုံးမှု တန်ဖိုးကိုတော့ ထုတ်ပြန်တာမရှိသေးပါဘူး။
ဓာတ်ပုံ-မြန်မာနိုင်ငံမီးသတ်တပ်ဖွဲ့
