လာမယ့်ရက်ပိုင်းအတွင်း အမေရိကန်သမ္မတ ဒေါ်နယ်ထရမ့်နဲ့ ကနေဒါဝန်ကြီးချုပ်တို့ တွေ့ဆုံဆွေးနွေးသွားဖွယ် ရှိတယ်လို့ ကနေဒါအရာရှိတစ်ယောက်က သြဂုတ် ၃ ရက်က ပြောကြားခဲ့ပါတယ်။အမေရိကန်-မက္ကဆီကို-ကနေဒါ ကုန်သွယ်ရေးသဘောတူညီချက်အတွင်း အကျုံးမဝင်တဲ့ ကုန်ပစ္စည်းတွေအပေါ် အခွန် ၃၅ ရာခိုင်နှုန်း ကောက်ခံပြီးနောက် လာမယ့်ရက်ပိုင်းအတွင်း နိုင်ငံ့ခေါင်းဆောင်နှစ်ယောက် ဆွေးနွေးဖွယ် ရှိတယ်လို့ ဆိုပါတယ်။
အမေရိကန်-ကနေဒါ ကုန်သွယ်ရေး တာဝန်ခံကလည်း မကြာမီ ကျင်းပတော့မယ့် ဆွေးနွေးမှုတွေကို “အားပေး” ခဲ့ပြီး အခွန်လျှော့ချရေး သဘောတူညီချက်က ရွေးချယ်စရာအဖြစ် ကျန်ရှိနေသေးတယ်လို့ CBS သတင်းဌာနကို ပြောကြားထားပါတယ်။ဆွေးနွေးပွဲအတွင်း နှစ်နိုင်ငံ စီးပွားရေးနှစ်ခုရဲ့ အကောင်းဆုံး အကျိုးစီးပွားအတွက် သဘောတူညီချက်ရဖို့ အကောင်းဆုံး နည်းလမ်းကို ရှာဖွေသွားမှာဖြစ်တယ်လို့ ကနေဒါအရာရှိတစ်ယောက်က ပြောပါတယ်။
