အမေရိကန်သမ္မတ ဒေါ်နယ်ထရမ့် အစိုးရအဖွဲ့နဲ့ ပြန်လည်ထူထောင်ရေးလုပ်ငန်းစဉ်တွေ ဆွေးနွေးဖို့အတွက် ဟားမာ့စ်အဖွဲ့က အဆင်သင့်ဖြစ်နေပြီလို့ ဟားမတ်စ် အကြီးတန်းအရာရှိတစ်ယောက်က ပြောကြားထားတာကို ကိုးကားပြီး Reuters သတင်းမှာ ဖော်ပြလာပါတယ်။ ထရမ့်အစိုးရနဲ့ အဆက်အသွယ်လုပ်ပြီး ဆွေးနွေးဖို့ ကျွန်တော်တို့ အဆင်သင့်ပါပဲလို့ ဟားမာ့စ် ပေါ်လစ်ဗျူရို အဖွဲ့ဝင် အကြီးတန်းအရာရှိတစ်ယောက်က ပြောကြား ထားတာပါ။
ဒါ့အပြင် အမေရိကန်အစိုးရရဲ့ အစီအစဉ်ကို ကျွန်တော်တို့ မကန့်ကွက်ခဲ့သလို နိုင်ငံတကာ အဖွဲ့ အစည်း အားလုံးနဲ့လည်း ဆွေးနွေးသွားဖို့ ရှိတယ်လို့ သူက ပြောကြားခဲ့ပါတယ်။ပါလက်စတိုင်းတွေကို တခြားနေရာတွေမှာ အခြေချနေထိုင်စေပြီး စီးပွားရေးအရ ဖွံ့ဖြိုးတိုးတက်လာပြီးနောက် ဂါဇာကမ်းမြောင်ကို အမေရိကန်က သိမ်းပိုက်သွားမယ်လို့ ထရမ့်က ကတိပြုခဲ့တာဖြစ်ပါတယ်။ ဒါဟာ အစ္စရေး-ပါလက်စတိုင်း ပဋိပက္ခအတွက် ဆယ်စုနှစ်များစွာ အမေရိကန်ရဲ့ မူဝါဒကို ပျက်ပြားစေမယ့် လုပ်ဆောင်ချက်တစ်ခု ဖြစ်တယ်လို့ မှတ်ချက်ပေးထားကြပါတယ်။
