မကွေးမြို့မှာ နေ့အပူချိန်မြင့်တက်နေမှုကြောင့် တစ်ပိုင်တစ်နိုင် Cp ကြက်မွေးမြူရေးလုပ်ကိုင်သူတွေအနေနဲ့ အရင်ကထက် ကုန်ကျစရိတ်တွေပိုကုန်လာတဲ့အတွက် အခက်ကြုံနေကြရတယ်လို့ ကြက်မွေးမြူရေးလုပ်ကိုင်သူ တွေက ပြောပါတယ်။
Cp ကြက်တွေဟာ အပူချိန်မြင့်မားတဲ့ဒဏ်ကို မခံနိုင်တဲ့အတွက် ကြက်ခြံတွေမှာ ရေပန်းစနစ်တွေ လုပ်ပေးနေရ တယ်လို့ ဆိုပါတယ်။ ဒါ့အပြင် ကြက်အကောင်ကြီးလာတာနဲ့အမျှ၊ အပူချိန်လျော့နည်းမှသာ အစာစားနိုင်ပြီး ရောဂါဝင်ရောက်မှုကိုလည်း ကာကွယ်နိုင်မှာ ဖြစ်တယ်လို့ ဆိုပါတယ်။
အခုကာလဟာ အပူချိန်မြင့်မားတဲ့အချိန်ဖြစ်တာကြောင့် နေ့လယ် ၁ နာရီ ဝန်းကျင်ကနေ ည ၇ နာရီအထိ ကြက်ခြံ တွေမှာ ရေပန်းစနစ်နဲ့ဖျန်းပေးထားရတယ်လို့ မကွေးမြို့က Cp ကြက်မွေးမြူရေးလုပ်ကိုင်သူ ဦးနေဝင်းက ပြောပါတယ်။
ရာသီအလိုက် ကြက်မွေးမြူရေးလုပ်ကိုင်ရာမှာ အခက်အခဲတွေရှိပေမယ့် မိသားစုစားဝတ်နေရေးကို တစ်ဖက်တစ် လမ်းကနေ အထောက်အပံ့ဖြစ်စေတယ်လို့လည်း ဆိုပါတယ်။ တချို့မွေးမြူရေးလုပ်ကိုင်သူတွေဟာ စိုက်ပျိုးရေး လုပ်ငန်းကိုပါ တွဲဖက်လုပ်ကိုင်လာကြတယ်လို့လည်း သိရပါတယ်။
