ဒီနေ့ နေ့လယ်ပိုင်းက လှုပ်ခတ်သွားတဲ့ အင်အားအလွန်ပြင်းထန်တဲ့ ငလျင်ကြောင့် နိုင်ငံတစ်ဝန်း ထိခိုက်ပျက်စီးမှု တွေရှိပေမယ့် ပုဂံက ရှေးဟောင်းဘုရားတွေကတော့ ထိခိုက်ပျက်စီးမှု မရှိဘူးလို ကနဦး သိရပါတယ်။
မတ်လ ၂၈ ရက်၊ နေ့လယ် ၁၂ နာရီ ၅၁ မိနစ်လောက်က မန္တလေးမြိုအနီးကို ဗဟိုပြုပြီး အင်အားရစ်(ခ်)တာစကေး ၇ ဒသမ ၇ အဆင့်ရှိ အင်အားအလွန်ပြင်းထန်တဲ့ မြေငလျင်တစ်ခု လှုပ်ရှားသွားတယ်လို မိုးလေဝသနှင့် ဇလဗေဒ ညွှန်ကြားမှုဦးစီးဌာနက ထုတ်ပြန်ပါတယ်။
အဲဒီငလျင်ကြောင့် မန္တလေး၊ စစ်ကိုင်း၊ နေပြည်တော်နဲ့ တခြားဒေသတွေမှာ ထိခိုက်ပျက်စီးမှု တွေရှိခဲ့ပေမယ့် ပုဂံ ဘုရားတွေကတော့ ထိခိုက်ပျက်စီးတာတွေ မရှိဘူးလို ပုဂံကို ရောက်နေသူတစ်ယောက်က လူမှုကွန်ရက် စာမျက်နှာမှာ ပြောကြားထားပါတယ်။
ပုဂံက နာမည်ကြီးဘုရားပုထိုးတွေဖြစ်တဲ့ အာနန္ဒာ၊ သဗ္ဗညု၊ ရွှေဆံတော်၊ ဓမ္မရံကြီးနဲ့ စူဠာမဏိဘုရားတွေ ထိခိုက်ပျက်စီးမှုမရှိဘူးလို ကနဦးအနေနဲ့ သိရပါတယ်။
အင်အားအလွန်ပြင်းထန်တဲ့ ငလျင်ကြောင့် မန္တလေး၊ စစ်ကိုင်း၊ နေပြည်တော်၊ ပဲခူးတိုင်းဒေသကြီး၊ ရှမ်းပြည်နယ် (တောင်ပိုင်း) စတဲ့ ဒေသတွေအပါအဝင် ဒေသအများအပြားမှာ ထိခိုက်ပျက်စီးမှုတွေရှိပြီး လူသေဆုံးမှုတွေလည်း ရှိခဲ့တယ်လို သိရပါတယ်။
