မြန်မာ့အသံနှင့်ရုပ်မြင်သံကြားသက်ကြီးဝန်ထမ်းဟောင်းများကိုဂါဝရပြုကန်တော့
မြန်မာ့အသံနှင့်ရုပ်မြင်သံကြားမှာတာဝန်ထမ်းဆောင်ခဲ့တဲ့သက်ကြီးဝန်ထမ်းဟောင်းတွေကိုဒီဇင်ဘာ(၂၁)ရက်ကမြန်မာ့အသံနှင့်ရုပ်မြင်သံကြားရှိစတူဒီယို(အေ)ခန်းမမှာဂါဝရပြုကန်တော့ခဲ့ကြပါတယ်။သက်ကြီးဝန်ထမ်းဟောင်း တွေ ဂါဝရပြုကန်တော့တာကိုမြန်မာ့အသံနှင့်ရုပ်မြင်သံကြားဝန်ထမ်းဟောင်းများအသင်းက နှစ်နှစ်တစ်ကြိမ်ကျင်းပတာဖြစ်ပြီးဝန်ထမ်းဟောင်းတွေ တွေ့ဆုံပွဲကိုလည်းပြုလုပ်ခဲ့တယ်လို့သိရပါတယ်။ ဒီနှစ်မှာ တော့ အသက်(၈၀)နဲ့အထက် သက်ကြီးဝန်ထမ်းနှစ်ဆယ်ကျော်ကို ငွေကျပ်နှစ်သိန်းစီ ကန်တော့နိုင်ခဲ့တယ်လို့ဆိုပါတယ်။ဝန်ထမ်းဟောင်းတွေကိုနှစ်စဉ်ဂါဝရပြုကန်တော့ချင်ပေမဲ့အလှူငွေတွေနဲ့ဆောင်ရွက်ရတာဖြစ်လို့ နှစ်နှစ် တစ်ကြိမ်သာပြုလုပ်နိုင်ပြီး တွေ့ဆုံပွဲကိုတော့နှစ်တိုင်းဆောင်ရွက်ဖြစ်တယ်လို့ဆိုပါတယ်။ ဂါဝရပြုကန်တော့ရာမှာလည်း အသင်းရံပုံငွေနဲ့အလှူငွေတွေကိုသာအားထားပြီးလုပ်ဆောင်တာပါ။ အလှူငွေများများရလေ သက်ကြီးဝန်ထမ်းတွေကိုများများကန်တော့နိုင်တယ်လို့အမှုဆောင်အဖွဲ့ဝင် ဒေါ်စမ်းစမ်းဦး ကပြောပါတယ်။ ...