ပရီးမီးယားလိဂ်ကလပ် ဝက်စ်ဟမ်းအသင်းဟာ ဒေါ့မွန်အသင်းရဲ့ဂျာမနီတိုက်စစ်မှူး ဖူခရက်ကို ခေါ်ယူဖို့အတွက် သဘောတူညီမှုရခဲ့ပြီလို့ သတင်းတွေရဲ့ဖော်ပြချက်အရသိရပါတယ်။
ဝက်စ်ဟမ်းအသင်းဟာ နည်းပြလိုပီတီဂူ လက်ထက်မှာ တိုက်စစ်မှူးသစ်တစ်ယောက် ရှာဖွေနေတာဖြစ်ပြီး ဒေါ့မွန်အသင်းနဲ့ခြေစွမ်းပြခဲ့တဲ့ ဖူခရက်ကို ခေါ်ယူဖို့အတွက် လုပ်ဆောင်ခဲ့တာပါ။
ဝက်စ်ဟမ်းအသင်းဟာ ဖူခရက်ကိုခေါ်ယူဖို့အတွက် ဒေါ့မွန်အသင်းကို ပြောင်းရွှေ့ကြေးပေါင်(၂၇)သန်း ပေးချေသွားရမှာဖြစ်တယ်လို့လည်း သတင်းတွေက ဖော်ပြခဲ့ကြပါတယ်။
ဖူခရက်ဟာ ပြီးခဲ့တဲ့ဘောလုံးရာသီကမှ ဒေါ့မွန်အသင်းကို ရောက်လာခဲ့တာဖြစ်ပေမယ့် အသင်းအတွက် ပြိုင်ပွဲစုံ (၄၆)ပွဲမှာ (၁၅)ဂိုးအထိ သွင်းယူပေးခဲ့တာဖြစ်ပါတယ်။
ရာသီသစ်အတွက် ကြိုတင်ပြင်ဆင်နေတဲ့ ဝက်စ်ဟမ်း အသင်းဟာ မန်ယူအသင်းနောက်ခံလူ ဘစ်ဆာကာနဲ့ လိဒ်ယူနိုက်တက် တောင်ပံကစားသမား ဆမ်မာဗယ်လီတို့ ကိုလည်း ခေါ်ယူဖို့ စိတ်ဝင်စားနေပါတယ်။
