၂၀၂၄ ပဲရစ်အိုလံပစ်ပြိုင်ပွဲ အမျိုးသမီးတစ်ဦးချင်း ကြက်တောင်ပြိုင်ပွဲမှာ မြန်မာကြက်တောင်မယ် သက်ထားသူဇာဟာ ကနေဒါကြက်တောင်မယ်ကို ရှုံးနိမ့်ပြီး အုပ်စုအဆင့်ကနေပဲ ထွက်ခွာခဲ့ရပြီဖြစ်ပါတယ်။
သက်ထား သူဇာ အနေနနဲ့ အုပ်စု(C)အဖွင့်ပွဲမှာ ဂျပန်ကြက်တောင်မယ်ကို ရှုံးနိမ့်ထားတာကြောင့် အခုပွဲမှာ ရလဒ်ကောင်းရဖို့ကြိုးစားခဲ့ပေမယ့် ရှုံးနိမ့်သွားခဲ့ရပါတယ်။ ကနေဒါ ကြက်တောင်မယ် မစ်ချယ်လီက သက်ထားသူဇာကို ၂၁ မှတ်-၁၆ မှတ်၊ ၂၅ မှတ်-၂၃ မှတ်နဲ့ ၂ ပွဲပြတ် အနိုင်ရသွားခဲ့တာပါ။
ကမ္ဘာ့အဆင့် ၄၃ ရှိတဲ့ သက်ထားသူဇာဟာ အိုလံပစ်ပြိုင်ပွဲမှာ ကမ္ဘာ့အဆင့် ၅ ရှိတဲ့ ဂျပန်ကြက်တောင်မယ်၊ ကမ္ဘာ့အဆင့် ၃၁ ရှိတဲ့ ကနေဒါကြက်တောင်မယ်တို့နဲ့ တစ်အုပ်စုတည်း ယှဉ်ပြိုင်ခဲ့ရတာလည်းဖြစ်ပါတယ်။