ရက်ဘူးလ်အသင်းဟာ အခုရာသီ ဂရင်းပရီပွဲစဉ် ၂ ခုမှာ ပုံစံကောင်း မပြနိုင်ခဲ့တဲ့ နယူးဇီလန်ဒရိုင်ဗာ လော်ဆန်ရဲ့ နေရာမှာ ဂျပန်ဒရိုင်ဗာ ဆူနိုဒါကို အစားထိုးဖို့ ဆုံးဖြတ်လိုက်တယ်လို့ သတင်းတွေက ဖော်ပြခဲ့ကြပါတယ်။ ရက်ဘူးလ်အသင်းတာဝန်ရှိသူတွေ ဆွေးနွေးမှုအပြီးမှာ လာမယ့်တစ်ပတ်ယှဉ်ပြိုင်မယ့် ဂျပန်ဂရင်းပရီကနေစပြီး လော်ဆန်ရဲ့နေရာမှာ ဆူနိုဒါကို အစားထိုးဖို့ ဆုံးဖြတ်လိုက်တယ်လို့ ဆိုပါတယ်။
ဒီကြေညာချက်ကို အခုတစ်ပတ် နှောင်းပိုင်းမှာ ရက်ဘူးလ်အသင်းဘက်က အတည်ပြုသွားမှာဖြစ်တယ်လို့လည်း ဖော်ပြခဲ့ကြပါတယ်။ အသက် ၂၃ နှစ်အရွယ် လော်ဆန်ဟာ အခုနှစ်ဖော်မြူလာဝမ်းရာသီမှာ ရက်ဘူးလ်အသင်းရဲ့ခေါ်ယူမှုကို ခံခဲ့ရပြီး မက္ကဆီကို ဒရိုင်ဗာ ပီရက်ဇ်ရဲ့နေရာကို အစားဝင်ရောက်လာခဲ့တာ ဖြစ်ပါတယ်။ ဒါပေမဲ့ အခုနှစ်ဖော်မြူလာဝမ်းရာသီ အဖွင့် ပွဲစဉ် ၂ ခုဖြစ်တဲ့ ဩစတြေးလျဂရင်းပရီနဲ့ တရုတ်ဂရင်းပရီတွေမှာ လော်ဆန်ရဲ့ စွမ်းဆောင်မှုက ရက်ဘူးလ်အသင်း တာဝန်ရှိသူတွေကို စိတ်ကျေနပ်မှု မရစေခဲ့ပါဘူး။ အသက် ၂၄ နှစ်အရွယ် ဆူနိုဒါကတော့ ၂၀၂၁ မှာ အယ်ဖာတော်ရီအသင်းနဲ့ ဖော်မြူလာဝမ်းကို စတင်ယှဉ်ပြိုင်ခဲ့ပြီး ၂၀၂၄ ဖော်မြူလာဝမ်း ဒရိုင်ဗာရပ်တည်မှု အဆင့် ၁၂ နေရာမှာ ရပ်တည် နိုင်ခဲ့သူဖြစ်ပါတယ်။
