ရန်ကုန်တိုင်းဒေသကြီး၊ ဗဟန်းမြို့နယ်ရှိ ဂျပန်စားသောက်ဆိုင်တစ်ဆိုင်က ဆိုင်ဝန်ထမ်းတစ်ယောက်ကို ဓားနဲ့ ထိုးသတ်မှုက ကျူးလွန်သူတွေကို ဖမ်းဆီးရမိခဲ့တယ်လို့ ရန်ကုန်တိုင်းဒေသကြီး ရဲတပ်ဖွဲ့က သိရပါတယ်။
အခင်းဖြစ်စဉ်ကတော့ ဖေဖော်ဝါရီ ၁၈ ရက် မနက်အစောပိုင်း ၂ နာရီအချိန်လောက်က ဗဟန်းမြို့နယ်၊ ဆရာစံ မြောက် အရှေ့ရပ်ကွက်၊ ဦးချစ်မောင်လမ်းမှာ ဖွင့်လှစ်ထားတဲ့ Japanese Restaurant စားသောက်ဆိုင်က ဝန်ထမ်းဖြစ်သူ အမျိုးသားတစ်ယောက်ကို ဆိုင်ကိုရောက်လာတဲ့ အမျိုးသား ၆ ယောက်က ဓားနဲ့ထိုးသတ်ပြီး ထွက်ပြေးသွားတာ ဖြစ်ပါတယ်။
ဓားနဲ့ထိုးသတ်ခံရတဲ့ ဆိုင်ဝန်ထမ်းဟာ ထိုးသွင်းဒဏ်ရာနှစ်ချက်နဲ့ သေဆုံးခဲ့တာ ဖြစ်တယ်လို့ သိရပါတယ်။ ပြစ်မှုကျူးလွန်သူတွေကို စုံစမ်းဖော်ထုတ်ခဲ့ရာ ကျူးလွန်သူ ၆ ယောက်စလုံးကို အခင်းဖြစ်ပြီး တစ်ရက်အတွင်းမှာပဲ ဖမ်းမိခဲ့ပြီး ဗဟန်းမြို့ မရဲစခန်းမှာ ရာဇသတ်ကြီးပုဒ်မ ၃၀၂ နဲ့ အမှုဖွင့် အရေးယူထားတယ်လို့ သိရပါတယ်။
