ပအိုဝ်းအမျိုးသားညီညွတ်ရေးပါတီက နိုင်ငံရေးပါတီအဖြစ် မှတ်ပုံတင်ပေးဖို့ ဇူလိုင် ၁၅ ရက်က လျှောက်ထားခဲ့ တယ်လို့ ပြည်ထောင်စုရွေးကောက်ပွဲ ကော်မရှင်က ထုတ်ပြန်ပါတယ်။နိုင်ငံရေးပါတီအဖြစ် မှတ်ပုံတင်ဖို့လျှောက်ထားတဲ့ ပါတီ ၁၉ ပါတီ ရှိပြီး အဲဒီထဲက ၁၅ ပါတီကို မှတ်ပုံတင်ခွင့် ပြုခဲ့ပြီး ကျန်ပါတီတွေကိုတော့ မှတ်ပုံတင်ခွင့် ပြုနိုင်ရေး ဆက်လက်စိစစ်ဆောင်ရွက်နေတယ်လို့ ဆိုပါတယ်၊၊
ပြည်ထောင်စု ရွေးကောက်ပွဲကော်မရှင်ကို လက်ရှိအချိန်ထိ ပါတီတည်ထောင်ခွင့် လျှောက်ထားလာတဲ့ အဖွဲ့ ၂၇ ဖွဲ့ ရှိပြီး လျှောက်ထားတဲ့အဖွဲ့တွေထဲကနေ နိုင်ငံရေးပါတီ ၁၉ ပါတီကို တည်ထောင်ခွင့် ပြုပြီးဖြစ်တယ်လို့ သိရပါ တယ်၊၊လာမယ့် အထွေထွေရွေးကောက်ပွဲ ကျင်းပမယ့်ရက်ကို လျာထားသတ်မှတ်ပြီး ဖြစ်တဲ့အတွက် အချိန်မီ ကြိုတင် ထုတ်ပြန်ပေး သွားမယ်လို့လည်း ပြည်ထောင်စုရွေးကောက်ပွဲ ကော်မရှင်က ပြောကြားထားပါတယ်။ဒါ့အပြင် လက်ရှိ စာရင်းဇယားတွေအရ တစ်နိုင်ငံလုံးအတိုင်းအတာနဲ့ မြို့နယ်ပေါင်း (၂၆၇) မြို့နယ်မှာ ရွေး ကောက်ပွဲ ကျင်းပဖို့ လျာထားတယ်လို့လည်း ပြည်ထောင်စုရွေးကောက်ပွဲကော်မရှင်က ပြောကြားထားပါတယ်။
