အမေရိကန်ဟာ ဆော်ဒီအာရေဗျတိုက်လေယာဉ်တွေအတွက် အမေရိကန် ဒေါ်လာ ၃ ဒသမ ၅ ဘီလီယံတန်ဖိုး ရှိတဲ့ ဒုံးကျည်တွေ ရောင်းချဖို့ အတည်ပြုခဲ့ကြောင်း AP သတင်းမှာ ဖော်ပြထားပါတယ်။ ဒါဟာ သမ္မတဒေါ်နယ် ထရမ့် စီစဉ်ထားတဲ့ ဆော်ဒီအာရေးဗျခရီးစဉ်မတိုင်မီ နောက်ဆုံးအဆိုပြုထားတဲ့ လက်နက်ရောင်းချမှုတစ်ခု ဖြစ် ပါတယ်။
မေလ ၃ ရက် မနက်အစောပိုင်းက ကြေညာခဲ့တဲ့ အဲဒီရောင်းချမှုက ထရမ့်ရဲ့ ဆော်ဒီအာရေးဗျခရီးစဉ်မှာ ကြေညာမဲ့ အချက်အလက်တွေထဲက တစ်ချက်လည်း ဖြစ်လာနိုင်ပါတယ်။ဆော်ဒီအာရေးဗျကတော့ လာမယ့် လေးနှစ်အတွင်း အမေရိကန်မှာ ဒေါ်လာ ၆၀၀ ဘီလီယံ ရင်းနှီးမြှုပ်နှံလို ကြောင်း ကြေညာထားပြီးဖြစ်သလို ဒါဟာ ထရမ့်ရဲ့ ဒုတိယသမ္မတ သက်တမ်းအတွင်း ဆော်ဒီအာရေးဗျကို ပထမဆုံးအဖြစ် လာရောက်စေလိုတဲ့ဆန္ဒ ဖြစ်ပါတယ်။
ထရမ့်ဟာ သူ့ရဲ့ပထမသမ္မတသက်တမ်း ၂၀၁၇ ခုနှစ်တုန်းကလည်း အမေရိကန်သမ္မတတွေရဲ့ ပထမဆုံး နိုင်ငံခြား ခရီးစဉ်အဖြစ် သွားလေ့ရှိတဲ့ ကနေဒါ၊ မက္ကဆီကို ဒါမှမဟုတ် ဗြိတိန်နိုင်ငံတို့ကို မသွားရောက်ခဲ့ဘဲ အစဉ်အလာကို ချိုးဖျက်ကာ ဆော်ဒီအာရေးဗျခရီးစဉ်ကို သွားရောက်ခဲ့ဖူးပါတယ်။အခုလက်နက်ရောင်းချမှုမှာ AIM-120C8 အဆင့်မြင့် တာလတ်တိုက်လေယာဉ် ဒုံးကျည်အစင်း ၁၀၀၀၊ လမ်းညွှန်စနစ်နဲ့ တခြားနည်းပညာတွေ ပါဝင်ပါတယ်။ ဒုံးကျည်တွေကို အရီဇိုးနားပြည်နယ်၊တူဆွန်မြို့ရှိ RTX Corp မှာ ထုတ်လုပ် မှာ ဖြစ်ပါတယ်။ ဆော်ဒီအာရေးဗျတော်ဝင်လေတပ်ဟာ အမေရိကန်ပြီးရင် ကမ္ဘာပေါ်မှာ ဒုတိယအကြီးဆုံး F-15 တိုက်လေယာဉ်ထုတ်လုပ်မှုကို ပိုင်ဆိုင်ထားတာ ဖြစ်ပါတယ်။
