အီဂျစ်မှာ အပူလှိုင်းလျော့ပါးသွားတာ ၄၈ နာရီကြာပြီးနောက်ပိုင်း မြို့တော်ကိုင်ရိုအပါအဝင် တခြားမြို့တွေမှာ အပူချိန် ၄၀ ဒီဂရီဆဲလ်စီးယပ်ထက် ကျော်လွန်လာဦးမယ်လို့ မိုးလေဝသပညာရှင်တွေက သတိပေးထားပါတယ်။
အပူချိန်တွေဟာ ဇူလိုင် ၂၁ ရက်ကနေ ၂၄ ရက်အထိ နိုင်ငံတစ်ဝန်း သိသိသာသာ တိုးလာမယ်ဆိုတဲ့အကြောင်းကို အီဂျစ်မိုးလေဝသဆိုင်ရာအာဏာပိုင်(EMA)က သတင်းထုတ်ပြန်ထားပါတယ်။
ကိုင်ရိုမြို့မှာ နေ့အပူချိန်မြင့်မားပြီး ၃၇ ဒီဂရီဆဲလ်စီးယပ်ကနေ ၄၀ ဒီဂရီဆဲလ်စီးယပ်အထိ ရှိနိုင်ပေမယ့် တစ်ဦး ချင်းအပူချိန်အနေနဲ့ကတော့ ၄၁ ဒီဂရီအထိ ရှိနိုင်တယ်လို့ ဆိုပါတယ်။ အီဂျစ်တောင်ပိုင်းစွန်းမှာတော့ ၃၈ ကနေ ၄၄ ဒီဂရီအထိ တိုးလာနိုင်တယ်လို့ ဆိုပါတယ်။
အထက်အီဂျစ်မြောက်ပိုင်းမှာလည်း ပြင်ပအပူချိန် ၄၀ ဒီဂရီကနေ ၄၃ ဒီဂရီအထိ ရောက်နိုင်တယ်လို့ ခန့်မှန်းထား ပြီး အထက်အီဂျစ်တောင်ပိုင်းမှာတော့ ၄၂ ကနေ ၄၅ ဒီဂရီအထိ ဖြစ်နိုင်တယ်လို့ EMA က သတိပေးထားပါတယ်။ ညပိုင်းတွေနဲ့ မနက်အစောပိုင်းတွေမှာတော့ အပူချိန်အနည်းငယ် လျော့နည်းနိုင်တယ်လို့လည်း ခန့်မှန်းထားကြ ပါတယ်။
