ကနေဒါနိုင်ငံ တိုရန်တို ပီယာဆန် နိုင်ငံတကာလေဆိပ်မှာ လေယာဉ်တစ်စင်း ဆင်းသက်စဉ် ပြေးလမ်းချော်ခဲ့ရာမှာ အနည်းဆုံး လူ(၈)ယောက် ဒဏ်ရာရသွားပါတယ်။
အဲဒီ ဒဲလ်တာ အဲလိုင်းပိုင် လေယာဉ်ဟာ ခရီးသည်(၈၀) တင်ဆောင်ပြီး မင်နီယာနာပိုလစ္စ ကနေ ပျံသန်းလာရာမှာ တိုရန်တိုကို ဆင်းသက်စဉ် ပြေးလမ်းမှာ မတော်တဆ ဖြစ်ပြီး လေယာဉ် မှောက်ခုံလှန် သွားခဲ့ပါတယ်။ လေယာဉ်မတော်တဆဖြစ်သွားတဲ့အချိန်မှာ လေယာဉ်ထဲမှာ လင်းနို့တွေလို ဇောက်ထိုးတွဲလောင်း အနေအထား ဖြစ်ခဲ့ရကြောင်း ခရီးသည်တစ်ယောက်က သူ့အတွေ့အကြုံကို ပြန်ပြောပြပါတယ်။
လေယာဉ်မတော်တဆမှုကြောင့် လေဆိပ်ထဲက ပြေးလမ်းနှစ်ခုကို ရက်အနည်းငယ် ပိတ်ထား မှာဖြစ်ပြီး ဖြစ်စဉ်ကို စုံစမ်းစစ်ဆေးသွားမယ်လို့ ကနေဒါအာဏာပိုင်တွေက ပြောပါတယ်။ အခု ဖြစ်စဉ်ဟာ အမေရိကန် ခရီးသည်တင်လေယာဉ်နဲ့ စစ်သုံး ဘလက်ဟော့ခ် ရဟတ်ယာဉ် တိုက်မိပြီးနောက် သုံးပတ်အကြာမှာ ဖြစ်ပွားတဲ့ နောက်ထပ် လေကြောင်း မတော်တမှုဖြစ်ပါတယ်။
