ကရင်ပြည်နယ်၊ ဘားအံမြို့နယ်ရှိ အထင်ကရဖြစ်တဲ့ ဇွဲကပင်တောင်မှာ မတ်လ ၂၃ ရက် ၊ ညနေပိုင်းက စပြီး တောမီးလောင်ကျွမ်းမှုတွေ ဖြစ်ပြီး ညပိုင်းအထိ လောင်ကျွမ်းနေဆဲ ဖြစ်တယ်လို့ အနီးနားရှိ ဒေသခံတွေရဲ့ ပြောပြချက်အရ သိရပါတယ်။ဇွဲကပင်တောင်မှာ တောမီးလောင်ကျွမ်းမှုတွေကတော့ နှစ်စဉ် ဖြစ်ပွားနေကြ ဖြစ်ပြီး အခုဖြစ်ပွားနေတဲ့ တောမီး လောင်ကျွမ်းမှုမှာတော့ မီးများတယ်လို့လည်း ဆိုပါတယ်။
မီးလောင်မှုနဲ့ ပတ်သက်လို့ သက်ဆိုင်ရာ မီးသတ်တပ်ဖွဲ့က ထုတ်ပြန်ထားတာ မရှိသေးလို မတ်လ ၂၃ ရက်၊ ညပိုင်းထိ တောမီးလောင်ကျွမ်းမှုဟာ မီးငြိမ်းမှု ရှိမရှိ အခြေအနေကလည်း မသိရသေးပါဘူး။ကရင်ပြည်နယ်ရဲ့ အထင်ကရဖြစ်တဲ့ ဇွဲကပင်တောင်ဟာ ဘားအံမြို့ရဲ့ တောင်ဘက် ၇ မိုင်အကွာ ခလောက်နို့ကျေးရွာအနီးမှာ ရှိပြီး ပင်လယ်ရေမျက်နှာပြင်အထက် ပေပေါင်း နှစ်ထောင်ကျော် အမြင့်ရှိတယ်လို့လည်း မှတ်သားသိရှိရပါတယ်။
ဓာတ်ပုံ-CJ
