ရှမ်းပြည်နယ်(တောင်ပိုင်း) ညောင်ရွှေမြို့နယ်၊ အင်းလေးဒေသမှာ လက်ရှိအချိန်အထိ ရေတက်နေပြီး ရေပြန်မကျ သေးဘူးလို့ အင်းလေးဒေသခံတွေက ပြောပါတယ်။
ရေကြီးမှုကြောင့် ရေပေါ်ကျေးရွာတွေထဲက နေအိမ် ၁၅၀ ကျော်လောက်ဟာ နီးစပ်ရာ ဆွေမျိုးတွေဆီနဲ့ ဘုန်းကြီး ကျောင်းတွေကို ရွှေ့ပြောင်းနေရတယ်လို့ ဆိုပါတယ်၊၊ပြီးခဲ့တဲ့ ဇူလိုင်လ ၂၇ ရက်ကတည်းက ရှမ်းပြည်နယ်(တောင်ပိုင်း)က ကလော၊ ညောင်ရွှေ၊ ပင်လောင်း စတဲ့ မြို့နယ်တွေမှာ မိုးအဆက်မပြတ် ရွာသွန်းတာကြောင့် အင်းလေးကန်ထဲကို ရေဝင်ရောက်မှု များလာပြီး နေ့စဉ် နဲ့အမျှ ရေတက်နှုန်း မြင့်နေတာ ဖြစ်တယ်လို့ သိရပါတယ်၊၊
ရေကြီးရေလျှံမှုတွေကြောင့် အင်းလေးဒေသက စိုက်ခင်းတွေ အားလုံးနီးပါး ရိတ်သိမ်းလို့ မရတဲ့အပြင် ပျက်စီး ဆုံးရှုံးမှုတွေ ဖြစ်ခဲ့တယ်လို့ သိရပါတယ်၊၊အဲဒီအပြင် ငလျင်ကတည်းက ပျက်စီးခဲ့ရတဲ့ အိမ်တွေလည်း အခုရေဒဏ်ကြောင့် ပြိုကျပျက်စီးမှာကို စိုးရိမ်နေ ရတယ်လို့ အင်းလေးဒေသခံ ဦးဇော်ဝင်းထွန်းက ပြောပါတယ်၊၊
