တရုတ်နိုင်ငံ Blue Sky Rescue (ယူနန်)အဖွဲ့ဟာ ယူနန်ပြည်နယ် ရွှေလီနယ်စပ်ကနေ မြန်မာနိုင်ငံကို ထွက်ခွာလာရာ မူဆယ်မြို့ကို မတ်လ ၂၉ ရက် မနက်ပိုင်းက ရောက်ရှိလာတယ်ဟု မြန်မာနိုင်ငံဆိုင်ရာ တရုတ်သံရုံးက ထုတ်ပြန်ပါတယ်၊၊
အဲဒီအဖွဲ့မှာ ကူညီကယ်ဆယ်ရေးတွေမှာ အတွေ့အကြံရှိတဲ့ အဖွဲ့ဝင် ၁၆ ယောက်ပါဝင်ပြီး ကယ်ဆယ်ရေး အဖွဲ့ဝင်တွေဟာ PPE အကာအကွယ်ပစ္စည်း၊ ဆေးဘက်ဆိုင်ရာ အရေးပေါ်ပစ္စည်းတွေ၊ လျှပ်စစ်ဓာတ်အား ထုတ်လုပ်နိုင်ပြီး မီးပေးနိုင်တဲ့ကိရိယာ၊ မြို့ပြ ငလျင်ကယ်ဆယ်ရေးသုံး ကိရိယာတွေ စတဲ့ ပစ္စည်းတွေကို ယူဆောင်လာတယ်လို့ သိရပါတယ်၊၊
ဒါ့အပြင် မြန်မာနိုင်ငံမှာ ငလျင်ဘေးအန္တရာယ်ဖြစ်ပွားပြီးနောက် အချိန်မီ အရေးပေါ်ကူညီဖို့ တရုတ်နိုင်ငံ ယူနန်ပြည်နယ်က ကယ်ဆယ်ရေးဆေးကုသမှုအဖွဲ့ဝင် ၃၇ ယောက်ဟာ ဒီနေ့ မတ်လ ၂၉ ရက်၊ မနက် ၇ နာရီကျော်အချိန်က ရန်ကုန်အပြည်ပြည်ဆိုင်ရာလေဆိပ်ကို ရောက်ရှိလာတယ်လို့ မြန်မာနိုင်ငံ ဆိုင်ရာ တရုတ်သံရုံးက ထုတ်ပြန်ထားပါတယ်။
