အဆိုတော်ဂျေညီညီရဲ့နာရေးကို ဧပြီလ(၂)ရက် ရေဝေးသုသာန်မှာ ပြုလုပ်သွားမယ်လို့ မိသားစုဝင်တစ်ယောက်က ပြောပါတယ်။ အဆိုတော်ဂျေညီညီဟာ မတ်လ(၃၁)ရက် မနက်(၄)နာရီခွဲအချိန်မှာ ကွယ်လွန်ခဲ့တာဖြစ်တဘ်လို့ ဆိုပါတယ်။ “သူ့ကအလုပ်တွေ ပင်ပန်းပြီး အားနည်းသွားတဲ့အတွက် သေဆုံးခဲ့တာပါ’’လို့ မိသားစုဝင်တစ်ယောက် က ပြောပါတယ်။
အဆိုတော်ဂျေညီညီဟာ ကွယ်လွန်ချိန်မှာ အသက်(၇၂)နှစ်အရွယ်ရှိနေပြီဖြစ်ပြီး စွဲနေပြီစီးရီးနဲ့ ဂီတလောကမှာ မှတ်တိုင်တစ်ခု စိုက်ထူနိုင်ခဲ့သူ ဖြစ်ပါတယ်။
သူ့ရဲ့ လူပျိုကြီးပဲလုပ်တော့မယ်၊ ဒီမိုး၊ အလွမ်းကဖီး၊ အချစ်မိုး၊ စွဲနေပြီ၊ မြိုင်နန်းစံပန်းတစ်ပွင့်၊ ပလက်ဖောင်းရှိုးသီချင်းတွေဟာ ပရိသတ်တွေကြား လူသိများ အောင်မြင်ခဲ့တဲ့ သီချင်းတွေ ဖြစ်ပါတယ်။
