ရန်ကုန်မြို့ရဲ့ လေထုအရည်အသွေးအညွှန်းကိန်း AQI မှာ ကျန်းမာရေးကို သိသာထင်ရှားစွာ ထိခိုက်နိုင်တဲ့ အခြေ အနေမှာမရှိဘဲ လက်ခံနိုင်တဲ့အခြေအနေမှာ ရှိတယ်လို့ ရန်ကုန်တိုင်းဒေသကြီး၊ ပတ်ဝန်းကျင်ထိန်းသိမ်းရေး ဦးစီးဌာနရဲ့ ညွှန်ကြားရေးမှူး ဦးအောင်ခိုင်စိုးက ပြောပါတယ်၊၊
မတ်လ ၁၉ ရက်က ရန်ကုန်မြို့ရဲ့ လေထုအရည်အသွေးကို သိရှိဖို့ ရန်ကုန်ပြည်သူ့ဆေးရုံကြီးနဲ့ ရန်ကုန်လျှပ်စစ် ဓာတ်အားပေးရေးကော်ရေးပိုရှင်းရုံးတွေမှာ တိုင်းတာတဲ့လုပ်ငန်းတွေ ဆောင်ရွက်နေချိန်မှာ ပြောကြားခဲ့တာပါ။လေထုအရည်အသွေးကို တိုင်းတာတယ်ဆိုတာက လေထုထဲမှာ ပါဝင်တဲ့ PM 2.5၊ PM 10၊ NO 2၊ SO 2၊ CO နဲ့ O 3 လို့ခေါ်တဲ့ အိုဇုန်း စတဲ့ ၆ မျိုးကို အချိန်တိုင်းစောင့်ကြည့်ပြီးတော့ AQI လို့ခေါ်တဲ့ လေအရည်အသွေးတန်ဖိုးကို တွက်ချက် တိုင်းတာတာဖြစ်တယ်လို့ သိရပါတယ်၊၊
ဒီလို တိုင်းတာကတော့ လေထုအရည်အသွေးညစ်ညမ်းမှုမှာ အသက်ရှူလမ်းကြောင်းဆိုင်ရာ PM 2.5 ပါဝင်မှု များပြားနေရင် လျော့ချတဲ့လုပ်ငန်းစဉ်တွေလုပ်လို့ရအောင် နေ့စဉ်စောင့်ကြပ်ကြည့်ရှုတဲ့ လုပ်ငန်းစဉ်တွေကို ချမှတ်လုပ်ဆောင်နေတာဖြစ်တယ်လို့ သိရပါတယ်၊၊
