မြန်မာနိုင်ငံတစ်ဝန်းမှာ မတ်လ ၂၈ ရက်၊ နေ့လယ် ၁၂ နာရီ ၅၂ မိနစ်လောက်က ငလျင်ပြင်းထန်စွာ လှုပ်ခတ်သွား တယ်လို့ ပြည်သူတွေရဲ့ ပြောကြားချက်တွေအရ သိရပါတယ်။
အခုလှုပ်တဲ့ ငလျင်ကို မြန်မာနိုင်ငံ နေရာအနှံ့အပြားမှာ သိသိသာသာပြင်းထန်စွာ ခံစားလိုက်ရတာဖြစ်တယ်လို့ ဆိုပါတယ်။
လူမှုကွန်ရက်စာမျက်နှာတွေမှာ ဖော်ပြချက်အရ မန္တလေးမှာဆိုရင် အိမ်တွေပြိုကျတာ၊ တိုက်အိမ်တချို့ စောင်းသွားတာတွေကို တွေ့ရပါတယ်။
စစ်ကိုင်းတံတားအဟောင်းလည်း ငလျင်ဒဏ်ကြောင့် ကျိုးကျသွားတာကို တွေ့ရပါတယ်။
ဒါ့အပြင် ရှမ်းပြည်နယ်(တောင်ပိုင်း)မှာလည်း ငလျင်ဒဏ်ကြောင့် ထိခိုက်ပျက်စီးမှုတွေရှိတယ်လို့ သိရပါတယ်။
အခုလှုပ်ခတ်သွားတဲ့ ငလျင်ဟာ ပြင်းအားဘယ်လောက်ရှိတယ်ဆိုတာနဲ့ ထိခိုက်ပျက်စီးမှုအခြေအနေ အသေးစိတ်ကို ဆက်လက်ဖော်ပြပေးပါမယ်။
