မြန်မာနိုင်ငံတစ်ဝန်း ကျင်းပနေတဲ့ အစိုးရဓမ္မာစရိယစာမေးပွဲနဲ့ ပါဠိပထမပြန်စာမေးပွဲတွေ ကျင်းပနေတာကို ခေတ္တဆိုင်းငံ့လိုက်တယ်လို့ သာသနာရေးနှင့်ယဉ်ကျေးမှုဝန်ကြီးဌာန သာသနာရေးဦးစီးဌာနက ထုတ်ပြန်ထားပါ တယ်။
မတ်လ ၂၈ ရက်နေ့၊ မြန်မာစံတော်ချိန် နေ့လယ် (၁၂) နာရီ၊ (၅၁) မိနစ်အချိန်လောက်က မန္တလေးမြို့ အရှေ့မြောက်ဘက် ၂၀ ကီလိုမီတာခန့်အကွာ၊ အနက် ၁၀ ကီလိုမီတာကို ဗဟိုပြုပြီး အင်အားရစ်(ခ်)တာစကေး (၇ ဒသမ ၇) အဆင့်ရှိ အင်အားအလွန်ပြင်းထန်တဲ့ မြေငလျင် လှုပ်ခတ်ခဲ့တာဖြစ်ပါတယ်။
အင်အားပြင်းထန်တဲ့ မြေငလျင်လှုပ်ရှားမှုကြောင့် မြန်မာနိုင်ငံတစ်ဝန်းက စေတီပုထိုးတွေ၊ အဆောက်အဦတွေ ထိခိုက်ပျက်စီးဆုံးရှုံးမှုရှိခဲ့ပြီး ထိခိုက်ဒဏ်ရာရရှိသူတွေနဲ့ သေဆုံးသူတွေလည်း အများအပြားရှိခဲ့တယ်လို့ သိရပါ တယ်။ ဒါကြောင့် မြန်မာနိုင်ငံတစ်ဝန်း ကျင်းပနေတဲ့ အစိုးရဓမ္မာစရိယစာမေးပွဲနဲ့ ပါဠိပထမပြန်စာမေးပွဲတွေ ကျင်းပနေတာကို နောက်တစ်ကြိမ် ပြန်လည်ကျင်းပဖို့ မကြေညာမချင်း ခေတ္တဆိုင်းငံ့လိုက်တယ်လို့ သိရပါတယ်။
