တိုင်းဒေသကြီးနဲ့ ပြည်နယ်အများစုမှာ အခုမတ်လတတိယ(၁၀)ရက်ပတ်အတွင်း နေ့အပူချိန်တွေ တိုးလာနိုင် တယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာနက မတ်လ ၂၁ ရက်မှာ အသိပေးထုတ်ပြန်ပါတယ်။နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ဧရာ၀တီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ မွန်ပြည်နယ်နဲ့ ရှမ်းပြည်နယ်(တောင်ပိုင်း)ဒေသတွေမှာ မတ်လပျှမ်းမျှအပူချိန်ရဲ့ ၁ ဒသမ ၅ ဒီဂရီဆဲလ်စီးယပ်စ်နဲ့အထက် ပိုနိုင် တယ်လို့ ထုတ်ပြန်ချက်မှာ ဖော်ပြထားပါတယ်။
စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်၊ ရှမ်းပြည်နယ်(မြောက်ပိုင်းနဲ့အရှေ့ပိုင်း)တွေမှာတော့ မတ်လပျမ်းမျှအပူချိန်လောက်သာ ရှိနိုင်တယ်လို့ ဆိုပါတယ်။မိုးရွာသွန်းမှုအခြေအနေကတော့ ကချင်ပြည်နယ်မှာ ရွာသွန်းမြဲထက် မိုးပိုနိုင်ပြီး စစ်ကိုင်းတိုင်းဒေသကြီး အထက် ပိုင်း၊ တနင်္သာရီတိုင်းဒေသကြီး၊ ကရင်ပြည်နယ်၊ မွန်ပြည်နယ်နဲ့ ရှမ်းပြည်နယ်တွေမှာ ရွာသွန်းမြဲခန့် မိုးထစ်ချုန်း ရွာနိုင်တယ်လို့လည်း ထုတ်ပြန်ထားပါတယ်။
