ငလျင်ဒဏ်သင့် မြန်မာနိုင်ငံကို ပံ့ပိုးကူညီပေးသွားမှာဖြစ်တယ်လို့ အမေရိကန်သမ္မတ ထရမ့်က ပြောကြား လာတာကို Reuters သတင်းမှာ ဖော်ပြထားပါတယ်။
မတ်လ ၂၈ ရက် မွန်းလွဲပိုင်းက မြန်မာနိုင်ငံမှာ ရစ်ချ်တာ စကေး ၇ ဒသမ ၇ အဆင့်ရှိ အင်အားပြင်းငလျင်တစ်ခု လှုပ်ခတ်ခဲ့တာပါ။ အဲဒီအင်အားပြင်းငလျင်ဒဏ်ကြောင့် မြန်မာနိုင်ငံတစ်ဝန် တိုင်းဒေသကြီးနဲ့ပြည်နယ်တော်တော်များများမှာ ပျက်စီးဆုံးရှုံးမှု အများအပြား ဖြစ်ပေါ်ခဲ့ ပါတယ်။
ငလျင်ကပ်ဘေးနဲ့ပတ်သက်လို့ အမေရိကန်အစိုးရအရာရှိတွေဟာ မြန်မာအစိုးရနဲ့ အဆက်အသွယ်ရှိနေပြီဖြစ်ပြီး မြန်မာနိုင်ငံမှာ လှုပ်ခတ်သွားတဲ့ငလျင်ဟာ အလွန်ကြောက်စရာကောင်းတယ်လို့ ထရမ့်က သုံးသပ်ပြောဆိုခဲ့ ပါတယ်။ ထရမ့်ဟာ သူ့အရာရှိတွေနဲ့ ပြောဆိုနေစဉ်အတွင်းမှာ ငလျင်ဒဏ်သင့်မြန်မာကို တတ်နိုင်သလောက် ပံ့ပိုးကူညီပေးသွားမှာဖြစ်တယ်လို့လည်း ပြောကြားခဲ့တယ်လို့ ဆိုပါတယ်။
ထိုင်းနိုင်ငံ ဘန်ကောက်မြို့မှာလည်း မတ်လ ၂၈ ရက် လှုပ်ခတ်ခဲ့တဲ့ အင်အားပြင်းငလျင်ကြောင့် လူ ၆ ယောက် သေဆုံးပြီး ၁၁၇ ယောက် ပိတ်မိနေကာ ပျောက်ဆုံးနေသူ ၁၄၄ ယောက်ထက်မနည်း ရှိတယ်လို့ သက်ဆိုင်ရာ အာဏာပိုင်တွေက ပြောကြားထားပါတယ်။
အရှေ့တောင်အာရှမှာ လှုပ်ခတ်ခဲ့တဲ့အင်အားပြင်း ငလျင်လှိုင်းကြောင့် လူအသေအပျောက်များခဲ့တာကို များစွာ ဝမ်းနည်းတဲ့အပြင် မြန်မာအပါဝင် အခြားငလျင်ဒဏ်သင့် နေရာတွေကိုလည်း လူသားချင်း စာနာထောက်ထားမှု ဆိုင်ရာ အကူအညီတွေ ပေးအပ်သွားမှာဖြစ်တယ်လို့ သမ္မတထရမ့်က ပြောကြားလာတာဖြစ်ပါတယ်။
