အမေရိကန်သမ္မတ ဒေါ်နယ်ထရမ့်နဲ့ နည်းပညာဘီလီယံနာ အီလွန်မတ်စ်တိုကြားက တင်းမာမှုဟာ အထွတ် အထိပ်ရောက်လာပြီး သူတိုနှစ်ဦးဟာ အပြန်အလှန်တိုက်ခိုက်မှုတွေ ဆက်တိုက်ပြုလုပ်နေပါတယ်။ အမေရိ ကန်သမ္မတ ဒေါ်နယ်ထရမ့်ရဲ့ One Big Beautiful Bill လိုခေါ်တဲ့ အခွန်နဲ့ အသုံးစရိတ်ဥပဒေကြမ်းကို အီလွန် မတ်စ်က ရွံစရာကောင်းတယ်ဆိုပြီးတော့ ပြီးခဲ့တဲ့ရက်ပိုင်းမှာ ဝေဖန်ခဲ့တာပါ။

ဇွန်လ ၅ ရက်မှာတော့ သမ္မတထရမ့်ဟာ ဂျာမန်ခေါင်းဆောင်နဲ့ ဘဲဥပုံရုံးခန်းမှာ တွေ့ဆုံနေစဉ်အတွင်း သူ့အနေနဲ့ အီလွန်မတ်စ်ကို စိတ်ပျက်မိကြောင်း သတင်းထောက်တွေကို ပြောခဲ့တာပါ။ အီလွန်မတ်စ်ဟာ ရူးသွပ်သွားတယ်လို ထရမ့်ကပြောခဲ့ပြီး အီလွန်မတ်စ်ရဲ့ ကုမ္ပဏီတွေနဲ့ ချုပ်ဆိုထားတဲ့ အစိုးရစာချုပ်တွေကို ရုတ်သိမ်းပစ်မယ်လို ခြိမ်းခြောက်ပါတယ်။အီလွန်မတ်စ်ကလည်း သူ့အနေနဲ့ ဒေါ်လာသန်းရာနဲ့ချီ ထောက်ပံ့မှုမပေးခဲ့ရင် မနှစ်ကရွေးကောက်ပွဲမှာ ထရမ့် အနိုင်ရခဲ့မှာမဟုတ်ဘူးလို ပြောခဲ့ပြီး ထရမ့်ကို ကျေးဇူးကန်းသူလို ပြောခဲ့ပါတယ်။ ဒါ့အပြင် အီလွန်မတ်စ်က ထရမ့်ရဲ့ ခြိမ်းခြောက်မှုကို တုန့်ပြန်ဖိုအတွက် SpaceX ရဲ့ Dragon အာကာသယာဉ်ကို ဖျက်သိမ်းမယ့် အစီအစဉ်ကို ကြေညာခဲ့ပေမဲ့ နောက်ပိုင်းမှာတော့ ကြေညာချက်ကို ပြန်ရုပ်သိမ်းခဲ့ပါတယ်။

ထရမ့်နဲ့ အီလွန်မတ်စ်အကြား တင်းမာမှုတွေကြောင့် Tesla ရဲ့ စတော့ရှယ်ယာတန်ဖိုးဟာ ဇွန်လ ၅ ရက်မှာ ၁၄ ရာခိုင်နှုန်းအထိ သိသိသာသာ ကျဆင်းခဲ့ပါတယ်။ အစိုးရစာချုပ်တွေနဲ့ ထောက်ပံ့ကြေးတွေ ဆုံးရှုးနိုင်ဖွယ်ရှိတဲ့ အခြေအပေါ် ရင်းနှီးမြှုပ်နှံသူတွေရဲ့ စိုးရိမ်မှုတွေ တိုးလာနေတာဖြစ်ပါတယ်။ အီလွန်မတ်စ်ဟာ ပြီးခဲ့တဲ့သီတင်း ပတ်ကမှ ထရမ့်ရဲ့ အစိုးရအဖွဲကနေ နှုတ်ထွက်ခဲ့တာဖြစ်ပြီး DOGE မှာ သူတာဝန်ယူစဉ်က အသုံးစရိတ်တွေ အလွန်အကျွံ ဖြတ်တောက်ခဲ့တာကြောင့် ဝေဖန်မှုတွေ ခံခဲ့ရပါတယ်။