မကွေးမြိုရှိ မြိုတော်ခန်းမမှာ အညာဓလေ့ သနပ်ခါးယဥ်ကျေးမှုပွဲတော်ကို မတ်လ၂၃ ရက်က ကျင်းပခဲ့ပါတယ်။ အဲဒီပွဲတော်မှာ မြန်မာ့ရိုးရာသနပ်ခါး ယဥ်ကျေးမှုဓလေ့ကို ကမ္ဘာ့ကသိစေဖို ရည်ရွယ်ပြီး ကျင်းပတဲ့ မြန်မာ့သနပ်ခါး အလှမယ် ပြိုင်ပွဲကိုလည်း ထည့်သွင်းကျင်းပခဲ့ပါတယ်။
မကွေးတိုင်းအတွင်းရှိ တက္ကသိုလ်တွေ၊ အခြေခံပညာကျောင်းတွေနဲ့ ဌာနဆိုင်ရာက အသက် ၁၅ နှစ်ကနေ ၂၅ နှစ် အတွင်း မိန်းမပျို ၄၂ ယောက် ဝင်ရောက် ယှဥ်ပြိုင်ခဲ့ကြတာပါ။ အညာဓလေ့ သနပ်ခါးယဥ်ကျေးမှုပွဲတော်မှာ ပြိုင်ပွဲ တွေနဲ့ဖျော်ဖြေရေးအစီအစဥ်တွေအပြင် သနပ်ခါးပြပွဲတွေနဲ့ သနပ်ခါးတုံး ရောင်းချတဲ့ အရောင်းပြခန်းတွေလည်း ပါဝင်ပါတယ်။ လက်ရှိမှာ မြန်မာ့သနပ်ခါး ယဉ်ကျေးမှုဓလေ့ကို ဒုတိယမြောက် ကမ္ဘာ့ဒြပ်မဲ့ယဥ်ကျေးမှု အမွေအနှစ် စာရင်း တင်သွင်းနိုင်ရေး ကြိုးပမ်းဆောင်ရွက်နေတယ်လို သိရပါတယ်။
