ရခိုင်ပြည်နယ်၊စစ်တွေမြို့မှာ ပြည်နယ်အစိုးရအဖွဲ့ရဲ့ ကြီးကြပ်မှုနဲ့ ရခိုင်ရိုးရာသင်္ကြန်ကို ရိုးရာအစဉ်အလာအတိုင်း ကျင်းပသွားမှာဖြစ်ပြီး လမ်းလျှောက်သင်္ကြန်လည်း ပါဝင်တယ်လို့ ပြည်နယ်အစိုးရအဖွဲ့ဆီက သိရပါတယ်။ရခိုင်ရိုးရာ အစဉ်အလာဖြစ်တဲ့ အကြိုနေ့မှာ နံ့သာသွေးကို ဦးဥတ္တမခန်းမမှာ ကျင်းပသွားမှာဖြစ်ပြီး ယိမ်းအကတွေ လည်း ပါဝင်မှာဖြစ်ပါတယ်။
နံ့သာသွေးပြီးတာနဲ့ အတုလမာရဇိန်ဘုရားကြီးမှာ ဘုရားရေသပ္ပယ်တာ ပြုလုပ်ပြီး ရေကစားကြမှာ ဖြစ်ပါတယ်။လမ်းလျှောက်သင်္ကြန်ကိုတော့ ခိုင်သဇင်ခန်းမရှေ့ကနေ လမ်းမကြီးတစ်လျှောက် ကျင်းပသွားမှာ ဖြစ်တယ်လို့ ရခိုင်ပြည်နယ်အစိုးရအဖွဲ့၊ဥပဒေချုပ်ဦးလှသိန်းက ပြောပါတယ်။နှစ်ဆန်းတစ်ရက်နေ့မှာတော့ အစဉ်အလာမပျက် ကျင်းပနေကျ သက်ကြီးပူဇော်ကန်တော့တာနဲ့ အန္တရာယ်ကင်း ပရိတ်တရားနာတာတွေ ပြုလုပ်သွားမှာ ဖြစ်တယ်လို့ သိရပါတယ်။
