ရန်ကုန်-မန္တလေး အမြန်လမ်းမကြီးကို အသုံးပြုနေတဲ့ မော်တော်ယာဉ်တွေအနေနဲ့ ကားပေါ်မှာ မီးသတ်ဆေးဘူး ဆောင်ထားတာ နည်းနေပြီး လုံလုံလောက်လောက် ဆောင်ထားဖို့လိုတယ်လို့ အမြန်လမ်းနယ်မြေ မီးသတ်စခန်း ကွပ်ကဲရေးရုံး(ပလွေး)က စခန်းမှူး ဦးငြိမ်းချမ်းကျော်က ပြောပါတယ်။အပူရှိန်လွန်ကဲပြီး ကားမီးလောင်မှုဖြစ်စဉ်တွေနဲ့ ပတ်သက်လို့ မီးသတ်ဆေးဘူးတွေ လုံလုံလောက်လောက် ဆောင် ထားဖို့ ပညာပေးတာတွေ၊ လက်ကမ်းစာစောင်ကမ်းတာမျိုးတွေ ပြုလုပ်ပေမယ့် လိုက်နာမှု အားနည်းတာကို တွေ့ရတယ်တယ်။
ဒါ့အပြင် နွေရာသီမှာအဖြစ်များလေ့ရှိတဲ့ တာယာဘီးတွေ အပူလွန်ကဲရာက ပေါက်ကွဲပြီး အရှိန်မထိန်းနိုင်ဘဲ တိမ်းမှောက်တဲ့ ဖြစ်စဉ်မျိုးတွေ သတိထားသင့်တယ်လို့ ပြောပါတယ်။ပြီးခဲ့တဲ့ ၂၀၂၄ ခုနှစ် တစ်နှစ်လုံးမှာ ရန်ကုန်-မန္တလေး အမြန်လမ်းပေါ်မှာ ယာဉ်မတော်တဆမှုပေါင်း ၁၄၀ ကျော် ရှိခဲ့ပြီး သေဆုံးသူ ၅၀ ကျော်ရှိခဲ့တယ်လို့ သိရပါတယ်။
