ပဲခူးမြစ်ကူး သံကူကွန်ကရစ်တံတား ဖွင့်ပွဲကျင်းပ

ပဲခူးတိုင်းဒေသကြီး၊ ပဲခူးမြို၊ ဇိုင်းဂနိုင်းမြောက်ပိုင်းရပ်ကွက်နဲ့ ပဲခူးမြိုမဈေးကို ဆက်သွယ်ထားတဲ့ ပဲခူးမြစ်ကူး သံကူကွန်ကရစ်တံတား ဖွင့်ပွဲအခမ်းအနားကို မတ်လ(၁၉)ရက် မနက်ပိုင်းက ကျင်းပခဲ့ပါတယ်။ အဲဒီအခမ်း အနားကို ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်း တက်ရောက်အဖွင့်အမှာစကားပြောကြားခဲ့ပြီး လုံခြုံရေး နှင့်နယ်စပ်ရေးရာဝန်ကြီး၊ စီးပွားရေးရာဝန်ကြီး၊ လမ်းပန်းဆက်သွယ်ရေးရာဝန်ကြီးနဲ့ မြိုမိ/မြိုဖတစ်ဦး တိုက ဖဲကြိုးဖြတ်ဖွင့်လှစ်ပေးခဲ့ကြပါတယ်။

အဲဒီနောက် ပဲခူးတိုင်းဝန်ကြီးချုပ် ဦးမျိုးဆွေဝင်းက ပဲခူးမြစ်ကူးတံတား ကမ္ပည်းမော်ကွန်း ကျောက်စာကို စက်ခ လုပ်နှိပ်ဖွင့်လှစ်ပေးခဲ့ပြီး အမွှေးနံ့သာရည်တွေနဲ့ ပက်ဖျန်းပေးခဲ့ပါတယ်။ ပဲခူးမြစ်ကူးသံကူကွန်ကရစ်တံတားဟာ အရှည်ပေ(၃၂၀)၊ ယာဉ်သွားလမ်းအကျယ် (၁၆)ပေရှိပြီး တံတားကို ပဲခူးတိုင်းဒေသကြီးအစိုးရအဖွဲရဲ့ ခွင့်ပြုရန်ပုံ ငွေ ကျပ်သန်း(၁၇၂၁ ဒသမ ၃၅)သန်းနဲ့ တည်ဆောက်ပေးခဲ့တာ ဖြစ်တယ်လို ပဲခူးတိုင်းဒေသကြီးအစိုးရအဖွဲကနေ သိရပါတယ်။

အရင်ကရှိတဲ့ ပဲခူးမြစ်ကူးသံကူကွန်ကရစ်တံတားရဲ့ မူလတံတားဟောင်းက တစ်လမ်းသွားဘေလီတံတားဖြစ်ပြီး တံတားပေါ်မှာ ယာဉ်တစ်စီးသွားနေရင် အခြားယာဉ်တွေစောင့်ဆိုင်းနေရတဲ့အတွက် ယာဉ်ကြောကျပ်တည်း တာတွေ ဖြစ်ပေါ်ခဲ့ရတယ်လို ဆိုပါတယ်။ အခုအခါမှာတော့ သံကူကွန်ကရစ်တံတား တည်ဆောက်ပြီးစီးပြီဖြစ်လို ယာဉ်ကြောကျပ်တည်းတာတွေကို လျော့ချနိုင်မှာဖြစ်ပြီး မိုးတွင်းကာလ ပဲခူးမြစ်ရေမြင့်တက်လာချိန်မှာလည်း မော်တော်ယာဉ်နဲ့ ခရီးသွားပြည်သူ တွေအနေနဲ့ ဘေးအန္တရာယ်ကင်းစွာ သွားနိုင်တော့မှာဖြစ်တယ်လို သိရပါတယ်။