ရှမ်းပြည်နယ်(တောင်ပိုင်း)၊ အောင်ပန်းမြို့၊ အောင်ပန်း-ကလောလမ်းခွဲ၊ လပ်ကီးဆဲဗင်းစက်သုံးဆီဆိုင်အနီးမှာ ဩဂုတ်၂၁ ရက်၊ မနက် ၁၁ နာရီဝန်းကျင်က ဆီဘောက်ဆာယာဉ်တစ်စီး တိမ်းမှောက်မှုဖြစ်ပွားခဲ့တယ်လို့ နာရေးကူညီမှုအသင်း (အောင်ပန်း)ကနေသိရပါတယ်။
အဲဒီယာဉ်တိမ်းမှောက်မှုကြောင့် သယ်ဆောင်လာတဲ့ ဒီဇယ်ဆီတွေလည်းယိုဖိတ်ခဲ့တယ်လို့ အခင်းဖြစ်ရပ်ကိုမြင်တွေ့ခဲ့ရသူတစ်ယောက်ရဲ့ ပြောကြားချက်အရသိရပါတယ်။
ယာဉ်မောင်းနဲ့ယာဉ်အကူတို့လည်း ဒဏ်ရာရသွားပြီး တစ်ယောက်က လက်အရိုးကျိုးသွားတယ်လို့ဆိုပါတယ်။ အဲဒီဒဏ်ရာရရှိသူနှစ်ယောက်ကို အောင်ပန်းပြည်သူ့ဆေးရုံ အရေးပေါ်ဌာနကို ပို့ဆောင်ပေးခဲ့တယ်လို့သိရပါတယ်။
