ရန်ကုန်တိုင်းဒေသကြီး၊ မရမ်းကုန်းမြို့နယ်ရှိ သီရိမင်္ဂလာ ကမ္ဘာအေးစေတီတော်မြတ်ကြီးရဲ့ (၇၃)ကြိမ်မြောက် ဗုဒ္ဓ ပူဇနိယပွဲတော်ကို လာမယ့် ဖေဖော်ဝါရီ ၄ ရက်မှာ စတင်ကျင်းပသွားမှာဖြစ်တယ်လို့ သီရိမင်္ဂလာ ကမ္ဘာအေးစေတီ တော် ဂေါပကအဖွဲ့ကနေ သိရပါတယ်၊၊
ပွဲတော်ကိုတော့ ဖေဖော်ဝါရီ ၄ ရက်ကနေ ၉ ရက်ထိ ၆ ရက်တိုင်တိုင် ကျင်းပသွားမှာဖြစ်ပြီး အသံမစဲမဟာပဋ္ဌာန်း ရွတ်ဖတ်ပူဇော်သွားမယ်လို့လည်း သိရပါတယ်။ အဲဒီအပြင် ဖေဖော်ဝါရီ ၅ ရက်နဲ့ ၆ ရက်မှာတော့ ထမနဲထိုးပွဲတွေ ကျင်းပသွားမယ်လို့ ဆိုပါတယ်။
ပွဲတော်နောက်ဆုံးရက်မှာတော့ စေတီတော်အတွင်းမှာ နိုင်ငံတော် သံဃမဟာနာယကအဖွဲ့၊ စေတီတော် ဩဝါ ဒါစရိယ ဆရာတော်ကြီးတွေ အပါအဝင် ပင့်သံဃတော် (၄၅)ပါးတို့က စေတီတော်မြတ်ကြီးကို ဗုဒ္ဓါဘိသေက အနေကဇာ တင်လှူပူဇော်သွားမှာဖြစ်ပြီး ဆွမ်းဆန်စိမ်းလောင်းလှူပူဇော်ကြီးကိုလည်း စည်းကားသိုက်မြိုက်စွာ ကျင်းပသွားမှာဖြစ်တယ်လို့ သိရပါတယ်၊၊
