ဇန်နဝါရီလက ကျင်းပခဲ့တဲ့ ဩစတြေးလျအိုးပင်းနောက်ပိုင်း ပထမဆုံးနိုင်ပွဲအဖြစ် ဂျပန်တင်းနစ်မယ် အိုဆာကာ ဟာ မိုင်ယာမီအိုးပင်း ပထမအဆင့်မှာ နိုင်ပွဲရယူပြီး ဒုတိယအဆင့်ကို တက်သွားခဲ့ပါတယ်။
အိုဆာကာဟာ ပထမ အဆင့်ပွဲအဖြစ် ယူကရိန်းတင်းနစ်မယ် ယူလီယာနဲ့ ယှဉ်ပြိုင်ခဲ့ရတာဖြစ်ပါတယ်။ ပြီးခဲ့တဲ့တစ်ပတ်က အင်ဒီးယန်း ဝဲလ်ပြိုင်ပွဲ ပထမအဆင့်မှာပဲ ထွက်ခဲ့ရတဲ့ အိုဆာကာဟာ အခုပွဲမှာလည်း အနိုင်ရဖို့ ခက်ခက်ခဲခဲ ရုန်းကန်ခဲ့ရတာ ဖြစ်ပါတယ်။ ယူလီယာကို ပထမပွဲလတ် ရှုံးနိမ့်မှုနဲ့အတူ နောက်ကနေ လိုက်ကစားခဲ့ရတာပါ။
ဒါပေမဲ့ ပွဲကစားချိန် (၂)နာရီနဲ့ (၂၈)မိနစ်ကြာ အကြိတ်အနယ်ယှဉ်ပြိုင်ခဲ့ပြီးနောက်မှာ အိုဆာကာက (၃း၆၊၆း၄၊၆း၃)ဆိုတဲ့ ရလဒ်နဲ့ အနိုင်ရခဲ့ပြီး ဒုတိယအဆင့်ကို တက်ရောက်ခွင့် ရသွားခဲ့တာဖြစ်ပါတယ်။ အခုပွဲမှာ အနိုင်ရပြီး နောက်တစ်ဆင့် တက်နိုင်ခဲ့ပေမယ့် အကောင်းဆုံးပုံစံမှာ ရှိမနေခဲ့ဘူးလို့ အိုဆာကာက ဝန်ခံသွားခဲ့ပြီး နောက်ပွဲတွေမှာ အခုထက် ပိုကောင်းလာဖို့ ကြိုးစားသွားရမှာဖြစ်တယ်လို့ ပြောသွားခဲ့ပါတယ်။ မိုင်ယာမီအိုးပင်း ဒုတိယအဆင့်မှာတော့ အိုဆာကာဟာ ရုရှားတင်းနစ်မယ် ဆမ်ဆိုနိုဗာနဲ့ ဆက်လက်ယှဉ်ပြိုင်ရမှာလည်း ဖြစ်ပါတယ်။
