မိုင်ယာမီအိုးပင်းတင်းနစ် အမျိုးသမီးတစ်ဦးချင်း တတိယအဆင့်ပွဲမှာ အံ့အားသင့်ဖွယ်ရလဒ်တစ်ခု ထွက်ပေါ်ခဲ့ပါ တယ်။ တတိယအဆင့်ပွဲစဉ်တစ်ပွဲအဖြစ် အခုနှစ် ဩစတြေးလျအိုးပင်းချန်ပီယံ မက်ဒီဆင်ကီးစ်နဲ့ ဖိလစ်ပိုင် ဆယ်ကျော်သက်တင်းနစ်မယ် အာလာတို ယှဉ်ပြိုင်ခဲ့တဲ့ပွဲမှာ အံ့အားသင့်ဖွယ်ရလဒ် ထွက်ခဲ့တာပါ။ ကမ္ဘာ့အဆင့် ၅ နေရာမှာ ရပ်တည်နေသလို အခုပြိုင်ပွဲမှာလည်း ဆီဒင်အဆင့် ၅ ရထားတဲ့ မက်ဒီဆင်ကီးစ်အနေနဲ့ အသက် ၁၉ နှစ် သာရှိသေးသလို လက်ရည်စစ်ပွဲကနေတစ်ဆင့် အခုပြိုင်ပွဲကို ဝင်ပြိုင်ခွင့်ရခဲ့တဲ့ အာလာကို အသာအယာပဲ အနိုင်ရ လိမ့်မယ်လို ထင်ခဲ့ကြပေမယ့် ပထမပွဲလတ်မှာပဲ အာလာက အနိုင်ရခဲ့လို မက်ဒီဆင်ကီးစ် ဖိအားများသွားခဲ့ ပါတယ်။
ဖိအားတွေနဲ့အတူ ပုံမှန်လက်စွမ်း ပျောက်ဆုံးခဲ့တဲ့ မက်ဒီဆင်ကီးစ်ဟာ ဒုတိယပွဲလတ်မှာလည်း ထပ်မံရှုး နိမ့်ခဲ့တဲ့အတွက် ပြိုင်ပွဲကနေ ထွက်သွားခဲ့ရတာဖြစ်ပါတယ်။ ဖိလစ်ပိုင်တင်းနစ်မယ် အာလာက (၆း၄၊၆း၂)ဆိုတဲ့ ရလဒ်နဲ့ အနိုင်ရခဲ့တာဖြစ်ပြီး အခုနိုင်ပွဲက သူမရဲ့ ကစားသမားဘဝ အကြီးမားဆုံးနိုင်ပွဲလည်း ဖြစ်ခဲ့ပါတယ်။ အာလာဟာ ပြီးခဲ့တဲ့ဒုတိယအဆင့်မှာလည်း ဆီဒင်အဆင့် ၂၇ ရထားတဲ့ လတ်ဗီးယားတင်းနစ်မယ် အော်စတာ ပန်ကို, ကို အနိုင်ရပြီး ဒီအဆင့်ကို တက်လာခဲ့တာဖြစ်ပါတယ်။ စတုတ္ထအဆင့်မှာတော့ အာလာဟာ ဆီဒင်အဆင့် ၁၀ ရထားတဲ့ စပိန်တင်းနစ်မယ် ဘာဒိုဆာနဲ့ ဆက်လက်ရင်ဆိုင်ရမှာ ဖြစ်ပါတယ်။
