ဩဂုတ်လ(၂၀)ရက်နေ့က ပြုလုပ်တဲ့ PFA ဆုချီးမြှင့်ပွဲမှာ ချယ်လ်ဆီးအသင်းရဲ့ အင်္ဂလန်တောင်ပံကစားသမား ပယ်မာ လူငယ်အကောင်းဆုံး ကစားသမားဆု ရခဲ့ပါတယ်။
ပယ်မာဟာ ပြီးခဲ့တဲ့ဘောလုံးရာသီက ချယ်လ်ဆီး အသင်းနဲ့အတူ ခြေစွမ်းပြနိုင်ခဲ့ပြီး ပရီးမီးယားလိဂ်(၃၃)ပွဲကစားခဲ့ရာမှာ (၂၂)ဂိုးသွင်းကာ (၁၁)ဂိုး ဖန်တီးနိုင်ခဲ့တာပါ။
ပြီးခဲ့တဲ့ရာသီက ချယ်လ်ဆီးအသင်းဟာ ရလဒ်မကောင်းခဲ့ပေမယ့် ပယ်မာကတော့ အသင်းအတွက် ခြေစွမ်း ပြနိုင်ခဲ့တာကြောင့် စရောက်ချင်းနှစ်မှာတင် ချယ်လ်ဆီးအသင်းရဲ့ အဓိကကစားသမားလည်း ဖြစ်လာခဲ့ပါတယ်။
ပယ်မာဟာ သူ့ရဲ့စွမ်းဆောင်ရည်တွေကြောင့် ပြီးခဲ့တဲ့ယူရို(၂၀၂၄)ပြိုင်ပွဲအတွက် အင်္ဂလန်အသင်းရဲ့လူစာရင်းမှာ ရွေးချယ်ခံခဲ့ရပါသေးတယ်။
PFA လူငယ်အကောင်းဆုံးကစားသမားဆုရခဲ့ပေမယ့် ပယ်မာဟာ PFA တစ်နှစ်တာ အကောင်းဆုံး အသင်းမှာတော့ မပါဝင်ခဲ့တာကို တွေ့ရပါတယ်။
