ထိုင်းနိုင်ငံ၊ ဘန်ကောက်မြို့မှာ လာမယ့်ဇန်နဝါရီ၃၁ရက်မှာ ကျင်းပမဲ့ One Friday Fights 95 MMAပြိုင်ပွဲမှာ မြန်မာဖိုက်တာတွေဖြစ်တဲ့ အဲမွီ၊ မိုးထက်အောင်နဲ့ စူပါရေချမ်းတို့ရဲ့ပွဲစဉ်တွေ ပါဝင်မှာဖြစ်တယ်လို့ One Championshipကနေ သိရပါတယ်။
အဲမွီက ဂျပန်ဖိုက်တာမူဂါဆီတို၊ မိုးထက်အောင်က ထိုင်းဖိုက်တာ ဆာမင်ဒမ်၊ စူပါရေချမ်းက ထိုင်းဖိုက်တာ ဒန့်ခ်တို့နဲ့ ယှဉ်ပြိုင်ထိုးသတ်မှာဖြစ်ပါတယ်။အဲမွီဟာ နောက်ဆုံးထိုးသတ်ခဲ့တဲ့ One Championshipပြိုင်ပွဲမှာ ဂမ်ဘီယာဖိုက်တာအိုမာကို အမှတ်နဲ့အရေးနိမ့်ထားပြီး မိုးထက်အောင်ကတော့ နောက်ဆုံးထိုးသတ်ခဲ့တဲ့ ဂျပန်ဖိုက်တာကာဇူကီနဲ့ပွဲမှာ အနိုင်ရထားပါတယ်။
စူပါရေချမ်းကတော့ အခုပွဲမတိုင်ခင် One Championshipပြိုင်ပွဲမှာ တစ်ပွဲသာ ထိုးသတ်ထားပြီး ထိုင်းဖိုက်တာဆူတင်ကို အမှတ်နဲ့အရေးနိမ့်ထားတာကြောင့် သူ့ရဲ့ One Championship ဒုတိယမြောက်ပွဲမှာ အနိုင်ရဖို့ လိုအပ်နေတာဖြစ်ပါတယ်။
