အေအက်ဖ်စီ အာရှဖလား(၂၀၂၇)ခြေစစ်ပွဲရဲ့ အဖွင့်ပွဲအဖြစ် မြန်မာလက်ရွေးစင်အသင်းနဲ့ အာဖဂန်နစ္စတန် အသင်းတို့ မတ်လ(၂၅)ရက် ညနေပိုင်းက ရန်ကုန်မြို့ရှိ သုဝဏ္ဏအားကစားကွင်းမှာ ယှဉ်ပြိုင်ကစားကြရာ မြန်မာအသင်း အနိုင်ရရှိခဲ့ပါတယ်။မြန်မာလက်ရွေးစင်အသင်းနဲ့ အာဖဂန်နစ္စတန်အသင်းတို့ဟာ ပထမပွဲချိန်မှာ တစ်ဖက် ၁ ဂိုးစီ ဂိုးသွင်းယူနိုင်ခဲ့ပြီး ဒုတိယပွဲချိန်မှာ မြန်မာအသင်းက နောက်ထပ် ၁ ဂိုးသွင်းယူကာ (၂)ဂိုး(၁)ဂိုးနဲ့ အနိုင်ရရှိခဲ့တာပါ။
မြန်မာ့လက်ရွေးစင်သင်းရဲ့ အာရှခြေစစ်ပွဲအုပ်စုမှာ အာဖဂန်နစ္စတန်၊ပါကစ္စတန်၊ဆီးရီးယား အသင်းတို့ပါဝင် နေတာ ဖြစ်ပါတယ်။ မြန်မာ့အသင်းအနေနဲ့ အိမ်ကွင်းမှာ အာဖဂန်နစ္စတန်အသင်းကို အနိုင်ရရှိခဲ့ပြီးနောက် အောက်တိုဘာလ (၁၄)ရက်မှာ ဆီးရီးယားအသင်းကို အိမ်ကွင်းအဖြစ် လက်ခံကစားရမှာဖြစ်ပြီး ကျန်ပွဲစဉ်တွေကို အဝေးကွင်းအဖြစ် သွားရောက်ကစားရမှာ ဖြစ်တယ်လို့ သိရပါတယ်။
