အင်တာမီလန်တိုက်စစ်မှူး လော်တာရို မာတီနက်ဇ်ဟာ တံကောက်ကြောဒဏ်ရာကြောင့် အာဂျင်တီးနားအသင်း လူစာရင်းကနေ နုတ်ထွက်သွားခဲ့ပါတယ်။
ဒါ့ကြောင့် အာဂျင်တီးနားအသင်းဟာ အရေးပါတဲ့ ကမ္ဘာ့ဖလားခြေစစ်ပွဲ ၂ ပွဲကို အသင်းရဲ့ အဓိကတိုက်စစ်မှူးတွေဖြစ်ကြတဲ့ မက်ဆီနဲ့ မာတီနက်ဇ်တို မပါဝင်ဘဲ ကစားရတော့မှာပါ။မာတီနက်ဇ်ဟာ ပြီးခဲ့တဲ့တစ်ပတ် ကြားရက်က ကစားခဲ့တဲ့ ဖီယင်နုအသင်းနဲ့ ချန်ပီယံလိဂ်ပွဲစဉ်မှာ ကြွက်သား နာကျင်မှုကြောင့် အရန်စာရင်းမှာသာ ပါဝင်ခဲ့ပေမဲ့ တနင်္ဂနွေညက ကစားခဲ့တဲ့ အတ္တလန္တာအသင်းနဲ့ စီးရီးအေပွဲ မှာတော့ ပြန်လည်ပွဲထွက်လာခဲ့ပြီး အသင်းအတွက် ဂိုးတစ်ဂိုး သွင်းယူပေးခဲ့ပါတယ်။
ဒါပေမဲ့ ပွဲအပြီးမှာ မာတီနက်ဇ်က ဘယ်ဘက်တံကောက်ကြောဒဏ်ရာ ရရှိသွားခဲ့တယ်လို အင်တာမီလန်အသင်း က သတင်းထုတ်ပြန်ခဲ့ပြီးနောက် အာဂျင်တီးနားဘောလုံးအဖွဲချုပ်ကလည်း လူစာရင်းကနေ မာတီနက် နုတ်ထွက် မှုကို အတည်ပြုသွား ခဲ့တာဖြစ်ပါတယ်။ တောင်အမေရိကဇုန် ကမ္ဘာ့ဖလားခြေစစ်ပွဲမှာ ထိပ်ဆုံးကဦးဆောင်နေတဲ့ အာဂျင်တီးနားအသင်းဟာ ဥရုဂွေး၊ ဘရာဇီးအသင်းတွေနဲ့ ဆက်တိုက်ကစားရမှာဖြစ်ပြီး မက်ဆီနဲ့ မာတီနက်ဇ် တိုအပြင် ဒိုင်ဘာလာလည်း ဒဏ်ရာ ကြောင့် လက်ရွေးစင်အသင်းလူစာရင်းမှာ မပါဝင်နိုင်ဘူးလို သိရပါတယ်။
