မန်ချက်စတာယူနိုက်တက်အသင်းဟာ သမိုင်းဝင် အိုးလ်ထရက်ဖို့ဒ်ကွင်းရဲ့ အစဉ်အလာကို ဆက်ခံမယ့်၊ ကမ္ဘာ့ အဆင့်မီ အားကစားကွင်းသစ်ကြီးတစ်လုံး တည်ဆောက်ဖို့ ရည်မှန်းချက်ကြီးမားတဲ့ စီမံကိန်းကို စတင်လိုက် ပြီဖြစ်ကြောင်း APသတင်းမှာဖော်ပြထားပါတယ်။ပရိသတ် ၁၀၀,၀၀၀ ဆံ့တဲ့ ခေတ်မီအား ကစားကွင်းကြီးကို အိုးလ်ထရက်ဖိုဒ် ပတ်ဝန်းကျင်မှာ တည်ဆောက် မှာဖြစ်ပြီး၊ ကလပ်အသင်းရဲ့ ပူးတွဲပိုင်ရှင် ဂျင်မ်ရက်ကလစ်ဖ်က “ ကမ္ဘာ့အကြီးကျယ်ဆုံး” ဘောလုံးကွင်း ဖြစ်လာစေရမယ်လို့ ကတိပြုထားပါတယ်။
၁၉၁၀ ခုနှစ်ကတည်းက ယူနိုက်တက်ရဲ့ အိမ်ကွင်းအဖြစ် နှစ်ပေါင်းများစွာ ရပ်တည်ခဲ့တဲ့ အိုးလ်ထရက်ဖို့ဒ်ဟာ အမှတ်တရများစွာနဲ့ ပြည့်နှက်နေတဲ့ သမိုင်းဝင်ကွင်းတစ်ကွင်း ဖြစ်ပါတယ်။ဒါပေမဲ့လည်း ခေတ်နဲ့အညီ ပြုပြင်မွမ်းမံမှုတွေ လိုအပ်လာပြီး၊ မိုးယိုတဲ့ ခေါင်မိုးလို ပြဿနာတွေကြောင့် ဝေဖန်မှုတွေလည်း မြင့်တက်လာခဲ့ပါတယ်။ ဒါကြောင့် ကလပ်အသင်းဟာ လက်ရှိကွင်းကို ပြုပြင်မွမ်းမံဖို့ထက် နေရာသစ်မှာ အားကစားကွင်းသစ် တည်ဆောက်ဖို ဆုံးဖြတ်ခဲ့တာပါ။ဒီစီမံကိန်းဟာ ယူရို ၂ ဘီလီယံ ဝန်းကျင် ကုန်ကျမှာဖြစ်ပြီး၊ စီမံကိန်းကာလ ၅ နှစ်နီးပါး ကြာမြင့်နိုင်ပါတယ်။ ယူနိုက်တက်အသင်းအနေနဲ့ ဒီစီမံကိန်းအတွက် ငွေကြေးထောက်ပံ့မှုကို ဘယ်လိုရယူမလဲဆိုတာ စိန်ခေါ်မှုတစ်ရပ် ဖြစ်နေဆဲပါ။
ဒါပေမဲ့အမှုဆောင်အရာရှိချုပ် အိုမာ ဘာရာဒါက တော့ ဒီအားကစားကွင်းဟာ ဆွဲဆောင်မှုရှိတဲ့ ရင်းနှီး မြှုပ်နှံမှု အခွင့်အလမ်းဖြစ်လို့ ငွေကြေးထောက်ပံ့မှု ရရှိမယ်လို ယုံကြည်ကြောင်း ပြောကြားထားပါတယ်။နောက်ထပ်စိန်ခေါ်မှုတစ်ခုကတော့ ပရိသတ်တွေရဲ့ ထောက်ခံမှုရရှိဖို့ဖြစ်ပြီး အထူးသဖြင့် ရာသီလက်မှတ်ကိုင် ဆောင်သူတွေအတွက် လက်မှတ်ဈေးနှုန်းတွေ မြင့်တက်လာမှာကို စိုးရိမ်မှုတွေ ရှိနေပါတယ်။ ဒါ့အပြင် မကြာ သေးမီက ဝန်ထမ်းအချိုကို အလုပ်ဖြုတ်ခဲ့တဲ့အတွက် ဒီစီမံကိန်းအပေါ် ဝေဖန်မှုတွေလည်း ရှိနေပါတယ်။မန်ချက်စတာယူနိုက်တက်ရဲ့ အားကစားကွင်းသစ် စီမံကိန်းဟာ ကလပ်အသင်းရဲ့ အနာဂတ်အတွက် အရေးပါတဲ့ ခြေလှမ်းတစ်ခုဖြစ်ပြီး ဒီစီမံကိန်းဟာ အသင်းရဲ့ အောင်မြင်မှုတွေကို ပြန်လည်ရယူဖို့၊ ကမ္ဘာ့အဆင့်မီ ကစားသမား တွေကို ဆွဲဆောင်ဖို့နဲ့ ပရိသတ်တွေအတွက် အကောင်းဆုံး အတွေ့အကြုံတွေကို ပေးစွမ်းနိုင်ဖို့ ရည်ရွယ်တယ်လို့ လည်းသိရပါတယ်။
