မန်ယူအသင်းဟာ လာမယ့်နွေရာသီမှာ အသင်းကို အကြီးစားပြင်ဆင်မှုတွေ ပြုလုပ်ဖို့ရှိနေပြီး ကစားသမား ၁၀ ယောက်လောက်အထိ ရောင်းချဖို့ စီစဉ်ထားတယ်လို့ အင်္ဂလန်က သတင်းတွေကို ကိုးကားပြီး ဖော်ပြခဲ့ကြပါတယ်။ အသင်းရဲ့ ရှယ်ယာရှင်သစ် ရက်ကလစ်ဖ်နဲ့ နည်းပြ အမ်မိုရင်တို့ဟာ အသင်းကို အကြီးစားပြင်ဆင်မှုတွေ ပြုလုပ်ဖို့ ရှိတယ်လို့ ပြောကြားထားခဲ့ဖူးပြီး အခုချိန်မှာတော့ အသင်းကနေ ရောင်းချဖွယ်ရှိနေတဲ့ ကစားသမားစာရင်းတွေပါ ထွက်ပေါ်လာခဲ့တာ ဖြစ်ပါတယ်။
မန်ယူအသင်းကနေ ရောင်းချမဲ့ ကစားသမားတွေထဲမှာ တခြားအသင်းတွေဆီ အငှားထွက်ကစားနေတဲ့ အန်တိုနီ၊ ဆန်ချိုနဲ့ ရက်ရှ်ဖို့ဒ်တို့က ထိပ်ဆုံးကနေ ပါဝင်နေတယ်လို့ သိရပါတယ်။ တိုက်စစ်မှူး ရက်ရှ်ဖို့ဒ်က ဗီလာအသင်းကို အငှားထွက်ကစားခဲ့ပြီးနောက် ပုံမှန်ခြေစွမ်း ပြန်ရလာခဲ့သလို အင်္ဂလန် လက်ရွေးစင်အသင်းမှာပါ ပြန်လည်ရွေးချယ်ခံထားရပါတယ်။
ဆန်ချိုကတော့ ချဲလ်ဆီးအသင်းမှာ ပုံမှန်နေရာရဖို့ ရုန်းကန်နေရပြီး ရာသီအကုန်မှာ မန်ယူအသင်းဆီကို ပြန်ရောက်လာဖို့ များနေပါတယ်။ အန်တိုနီကလည်း စပိန်ကလပ်ဘက်တစ်အသင်းမှာ ခြေစွမ်းပြနေပေမယ့် အရောင်းစာရင်းထဲမှာ ပါဝင်နေတာ ဖြစ်ပါတယ်။ဒါ့အပြင် ဝါရင့်ကစားသမားတွေဖြစ်ကြတဲ့ ကက်စ်မဲရိုး၊ အဲရစ်ဆန်နဲ့ လင်ဒီလော့ဖ်တို့လည်း အသင်းကနေ ရာသီ အကုန်မှာ ထွက်ခွာရဖွယ်ရှိနေသလို နောက်ခံလူ အီဗန်နဲ့ ဂိုးသမား ဟီတန်တို့ကတော့ ကစားသမား ဘဝကနေ အနားယူဖွယ် ရှိနေကြတာဖြစ်ပါတယ်။
