၂၀၂၅ နေးရှင်းလိဂ်ပြိုင်ပွဲရဲ့ ကွာတားဖိုင်နယ်ပွဲစဉ်တွေ ပြီးဆုံးသွားပြီးနောက် ဆီမီးဖိုင်နယ်အဆင့်ကို ကစားရမယ့် အသင်းတွေ ထွက်ပေါ်လာခဲ့ပြီဖြစ်ပါတယ်။ တနင်္ဂနွေညက ကစားခဲ့တဲ့ ကွာတားဖိုင်နယ်ပွဲစဉ်တွေမှာတော့ အိမ်ရှင် အသင်းတွေရလဒ်ကောင်းရယူနိုင်ခဲ့ကြတာကို တွေ့ရပါတယ်။
ပထမအကျော့ အဝေးကွင်းမှာ ၂ ဂိုးပြတ်နဲ့ ရှုးနိမ့် ထားခဲ့တဲ့ ပြင်သစ်အသင်းဟာ ဒုတိယအကျော့ အိမ်ကွင်းပွဲမှာ ခရိုအေးရှားကို ၂ ဂိုးပြတ်နဲ့ ပြန်အနိုင်ရခဲ့လို နှစ်ကျော့ပေါင်းရလဒ် ၂ ဂိုးစီသရေကျခဲ့ပြီး ပင်နယ်တီအဆုံးအဖြတ် ကစားခဲ့ရပါတယ်။ ပင်နယ်တီအဆုံးအဖြတ်မှာ ပြင်သစ်အသင်းအနိုင်ရခဲ့လို ဆီမီးဖိုင်နယ်ကို တက်ခဲ့ပါတယ်။ ဂျာမနီအသင်းကတော့ အိမ်ကွင်းမှာ အီတလီအသင်း ကို ၃ ဂိုးစီသရေကစားနိုင်ခဲ့ပေမယ့် ပထမအကျော့က အနိုင်ရထားလို နှစ်ကျော့ပေါင်းရလဒ် ၅ ဂိုး-၄ ဂိုးနဲ့ အနိုင်ရ ပြီး ဆီမီးတက်ခဲ့ပါတယ်။ ပထမ အကျော့မှာရှုးနိမ့်ထားခဲ့တဲ့ပေါ်တူဂီအသင်းကလည်း အိမ်ကွင်းမှာ ဒိန်းမတ်ကို ၃ ဂိုး-၂ဂိုးနဲ့ အနိုင်ရခဲ့ပြီး နှစ်ကျော့ပေါင်းရလဒ် ၃ ဂိုးစီသရေကျခဲ့လို အချိန်ပိုဆက်ကစားခဲ့ရပါတယ်။ အချိန်ပိုမှာတော့ ပေါ်တူဂီအသင်းက သွင်းဂိုးတွေထပ်ရခဲ့ပြီး ပွဲအပြီးမှာ ၅ ဂိုး-၂ဂိုးနဲ့အနိုင်ရခဲ့ပါတယ်။
နောက်ထပ် ကွာတားဖိုင်နယ် ပွဲစဉ်မှာ စပိန်အသင်းနဲ့ နယ်သာလန်အသင်းတို ပထမအကျော့မှာ ၂ဂိုးစီသရေကျခဲ့သလို ဒုတိယအကျော့မှာလည်း ၂ ဂိုးစီသရေထပ်ကျခဲ့လို အချိန်ပိုဆက်ကစားခဲ့ရပြီး အချိန်ပိုအပြီးမှာလည်း သရေကျနေခဲ့လို ပင်နယ်တီ အဆုံးအဖြတ်အထိ ရောက်ခဲ့ပါတယ်။ ပင်နယ်တီ အဆုံးအဖြတ်မှာ စပိန်အသင်း အနိုင်ရပြီး ဆီမီးဖိုင်နယ် လက်ကျန်တစ်နေရာကို တက်ရောက်သွားခဲ့ပါ တယ်။ ဇွန်လ ၄ ရက်နဲ့ ၅ ရက်နေ့တွေမှာ ကစားမယ့် ဆီမီးဖိုင်နယ် ပွဲမှာတော့ ဂျာမနီနဲ့ပေါ်တူဂီ၊ စပိန်နဲ့ ပြင်သစ် အသင်းတို ဆုံတွေ့နေပြီး ဂျာမနီနိုင်ငံ မြူးနစ်နဲ့ စတုဂတ်မြိုတွေမှာ ကစားကြမှာဖြစ်ပါတယ်။
