ဂျူဗင်တပ်အသင်းဟာ ရလဒ်ဆိုးတွေကြောင့် နည်းပြ မော့တာကို ရာထူးကနေ ထုတ်ပယ်လိုက်ပြီး ကစားသမား ဟောင်း တူဒေါကို နည်းပြသစ်အဖြစ် ခန့်အပ်လိုက်တယ်လို မတ်လ ၂၃ ရက်နေ့က သတင်းထုတ်ပြန်ခဲ့ပါတယ်။ ဂျူဗင်တပ်အသင်းဟာ နောက်ဆုံးကစားခဲ့တဲ့ စီးရီးအေ ၂ ပွဲမှာ အတ္တလန္တာနဲ့ ဖီအိုရင်တီးနားအသင်းတွေကို ဂိုးပြတ် တွေနဲ့ ရှုးနိမ့်ခဲ့ပြီး အဆင့် ၅ နေရာအထိ ကျဆင်းခဲ့ပါတယ်။
ဒါ့အပြင် အမှတ်ပေးဇယားထိပ်ဆုံးက အင်တာမီလန် အသင်းနဲ့လည်း ၁၂ မှတ်အထိ ကွာဟနေတာဖြစ်ပါတယ်။ ဂျူဗင်တပ်အသင်းဟာ အခုရာသီ ချန်ပီယံလိဂ်နဲ့ ကိုပါ အီတာလီယာဖလားပြိုင်ပွဲတွေကနေလည်း ထွက်သွားခဲ့ရပြီဖြစ်တာကြောင့် ရလဒ်ဆိုးတွေအတွက် အခုရာသီ မစခင်ကမှ ခန့်အပ်ထားခဲ့တဲ့ နည်းပြမော့တာကို ရာထူးကနေ ထုတ်ပယ်လိုက်တာဖြစ်ပါတယ်။ မော့တာရဲ့ နေရာကို အစားဝင်ရောက်လာမယ့် နည်းပြသစ် တူဒေါကတော့ ဂျူဗင်တပ်အသင်းမှာ ကစားသမားအဖြစ် ၁၉၉၈ ကနေ ၂၀၀၇ ခုနှစ်အထိ ကစားခဲ့ဖူသူ ဖြစ်ပါတယ်။
အသက် ၄၆ နှစ်အရွယ် ခရိုအေးရှားလက်ရွေးစင်ဟောင်း တူဒေါဟာ ၂၀၂၀ မှာ နည်းပြပီယာလိုရဲ့ လက်ထောက်အဖြစ်နဲ့ဂျူဗင်တပ်အသင်းကို ပြန်ရောက်လာခဲ့သလို အဲဒီနောက်ပိုင်း ဗီရိုနာ၊ မာဆေးလ်နဲ့ လာဇီယိုအသင်းတွေကို နည်းပြအဖြစ်တာဝန်ယူခဲ့ဖူးတာ ဖြစ်ပါတယ်။
