အာဆင်နယ်အသင်းရဲ့ ဘယ်နောက်ခံလူ ကာလာဖီအိုရီဟာ ဒူးဒဏ်ရာကြောင့် အီတလီလက်ရွေးစင် အသင်းကနေ နုတ်ထွက်လိုက်ပြီး အာဆင်နယ်အသင်းဆီ ပြန်ရောက်လာမှာဖြစ်တယ်လို့ သိရပါတယ်။ ကြာသပတေးညက ကစားခဲ့တဲ့ ဂျာမနီအသင်းကို ရှုံးနိမ့်ခဲ့တဲ့ပွဲမှာ ကာလာဖီအိုရီဟာ အီတလီအသင်းပွဲထွက်စာရင်းမှာ ပါဝင်လာခဲ့ပြီး ပွဲပြီးကာနီးမှာ ဒူးဒဏ်ရာ ရရှိသွားခဲ့တာဖြစ်ပါတယ်။
သတင်းတွေအရ ကာလာဖီအိုရီအနေနဲ့ တနင်္ဂနွေညမှာ ကစားရမယ့် ဒုတိယအကျော့ပွဲကို ပါဝင်ကစားပေးနိုင်မှာ မဟုတ်တော့ဘဲ ဒဏ်ရာကြောင့် လက်ရွေးစင်အသင်း လေ့ကျင့်မှုကနေ အာဆင်နယ်အသင်းဆီကို ပြန်သွားတော့မှာ ဖြစ်တယ်လို့ ဆိုပါတယ်။ အီတလီလက်ရွေးစင် အသင်းနဲ့ နီးစပ်သူတွေရဲ့ ပြောကြားချက်အရတော့ ကာလာဖီအိုရီအနေနဲ့ ၂ ပတ်ကျော် ၃ ပတ်လောက်အထိ အနားယူရဖို့ ရှိနေတယ်လို့ သိရပါတယ်။
အာဆင်နယ်အသင်းရဲ့နောက်ခံလူ တစ်ယောက်ဖြစ်တဲ့ တင်ဘားက လည်း အဖျားရောဂါကြောင့် နယ်သာလန်လူစာရင်းကနေ ထွက်လာခဲ့ပြီး အသင်းဆီကို ပြန်ရောက်လာခဲ့ပါတယ်။တင်ဘားဟာ အဖျားရောဂါကြောင့် ကြာသပတေးညက ကစားခဲ့တဲ့ စပိန်အသင်းနဲ့ပွဲမှာ မပါဝင်နိုင်ခဲ့သလို အခြေအနေ တိုးတက်မှု မရှိတာကြောင့် အခုလိုမျိုး အာဆင်နယ်အသင်းဆီကို ပြန်ရောက်လာခဲ့တာဖြစ်တယ်လို့ သတင်းတွေက ဖော်ပြခဲ့ကြပါတယ်။
