ဒဏ်ရာပြဿနာတွေကြောင့် ပွဲချိန်ပြည့် အကောင်းဆုံးပြန်ကစားနိုင်ဖို့ မသေမချာဖြစ်ခဲ့တဲ့အတွက် ကစားသမား ဘဝကနေ အနားယူဖို့ ဆုံးဖြတ်ခဲ့တာဖြစ်တယ်လို့ နောက်ခံလူ ဗာတွန်ဂန်က ပြောကြားလိုက်ပါတယ်။ အသက် ၃၇ နှစ်အရွယ် ဗာတွန်ဂန်ဟာ အေဂျက်ဇ်၊ စပါး၊ ဘင်ဖီကာနဲ့ အန်ဒါလက်ချ်အသင်းတွေမှာ ကစားသမားဘဝကို ဖြတ် သန်းခဲ့ပြီးနောက် အခုရာသီအကုန်မှာ ကစားသမားဘဝကနေ အနားယူမှာ ဖြစ်တယ်လို့ ကြေညာသွားခဲ့တာပါ။
မတ်လ ၂၅ ရက်နေ့က ပြုလုပ်တဲ့ သတင်းစာရှင်းလင်းပွဲမှာလည်း ဒဏ်ရာပြသနာတွေဟာ ကစားသမားဘဝကနေ အနားယူဖို့အတွက် အဓိကအချက် ဖြစ်ခဲ့တယ်လို့ ဝန်ခံသွားခဲ့ပါတယ်။ ဗာတွန်ဂန်ဟာ အခုဘောလုံးရာသီမှာ ခြေကျင်းဝတ်နဲ့ ဖနောင့်ဒဏ်ရာတွေကို ရင်ဆိုင်ခဲ့ရသလို လက်ရှိမှာလည်း ပေါင်ခြံဒဏ်ရာကြောင့် ရာသီကုန်အထိ အနားယူနေရတာ ဖြစ်ပါတယ်။ ဒဏ်ရာတွေနဲ့ ဖြတ်သန်းနေရတဲ့ ကာလအတွင်းမှာ ပွဲပြန်ကစားနိုင်ပါ့မလား ဆိုတာကို စိုးရိမ်ခဲ့ရသလို ဒဏ်ရာတွေကြောင့် နာကျင်နေရတဲ့အချိန်တွေ များလာခဲ့လို့ အခုလိုမျိုး အနားယူဖို့ကို ဆုံးဖြတ်လိုက်တာဖြစ်တယ်လို့လည်း ဗာတွန်ဂန်က ပြောသွားခဲ့ပါတယ်။
