ပြီးခဲ့တဲ့ စနေနေ့က ကျင်းပခဲ့တဲ့ အင်္ဂလန် FA Cup ဗိုလ်လုပွဲမှာ ခရစ္စတယ်ပဲလေ့စ် အသင်းက မန်-စီးတီး အသင်းကို ၁-၀ နဲ့ အနိုင်ရဗိုလ်စွဲသွားတယ်လို CNN သတင်းမှာ ဖော်ပြထားပါတယ်။အခုပွဲ ရှုးနိမ့်မှုက မန်-စီးတီးအသင်းရဲ့ မန်နေဂျာ ဂွါဒီယိုလာအတွက် ၂၀၁၆-၁၇ ဘောလုံးရာသီနောက်ပိုင်း ပထမဆုံး ဖလားလက်မဲ့ ရာသီတစ်ခု ဖြစ်လာခဲ့တယ်လို ဆိုပါတယ်။
လန်ဒန်မြို ဝင်ဘာလေ အားကစားကွင်းမှာကျင်းပခဲ့တဲ့ ပွဲမှာ ခရစ္စတယ်ပဲလေ့စ်အသင်းဟာ ပထမပိုင်းမှာတင် တန်ပြန်တိုက်စစ်ကနေ အနိုင်ဂိုးကို သွင်းယူသွားခဲ့တာပါ။ မန်-စီးတီး အသင်းက ဘောလုံးပိုင်ဆိုင်မှု ရာခိုင်နှုန်း ပိုများပြီး တစ်ချိန်လုံး ဖိအားပေး ကစားခဲ့ပေမယ့်လည်း ဂိုးရနိုင်ခွင့် အခွင့်အရေးတွေ လွဲချော်ခဲ့ရပြီး ပယ်နယ်တီ ကန်ခွင့်ရတဲ့ အခွင့်အရေးကိုလည်း ဂိုးအဖြစ် မဖန်တီးနိုင်ခဲ့ပါဘူး။ခရစ္စတယ်ပဲလေ့စ်အသင်းဟာ FA Cup ပြိုင်ပွဲမှာ ဗိုလ်စွဲဖို ရေးပန်းစားခဲ့တဲ့ အသင်းမဟုတ်ဘဲ ဗိုလ်စွဲဖို ဖြစ်နိုင်ခြေနည်ပါးတဲ့ အသင်းအဖြစ် သတ်မှတ်ခံထားရတဲ့ အသင်းသာ ဖြစ်ပါတယ်။ “ကျွန်တော် ဘာပြောရမှန်းတောင် မသိတော့ပါဘူးဗျာ” လို အနိုင်ဂိုးသွင်းခဲ့တဲ့ Eberechi Eze က ပွဲအပြီးမှာ BBC ရုပ်သံကို ပြောခဲ့ပါတယ်။
ခရစ္စတယ်ပဲလေ့စ် ဟာ အသင်းရဲ့ ရှည်လျားတဲ့ သမိုင်းကြောင်းမှာ အထင်ကရအရေးပါတဲ့ အခုလို ချန်ပီယံ ဖလားကို မရခဲ့ဖူးဘူးလို သိရပါတယ်။ ဒုတိယ ရခဲ့တဲ့ မန်-စီးတီး အသင်းဟာ ၂၀၁၇-၁၈ ဘောလုံးရာသီကတည်းက ပရီးမီးယားလိဂ် ချန်ပီယံဖလားကို ၆ ကြိမ်ရထားဖူးတဲ့ အသင်းကြီးဖြစ်ပြီး အခုနှစ် FA Cup ပြိုင်ပွဲမှာ ချန်ပီယံဖြစ်ဖို ရေပန်းစားခဲ့တဲ့ အသင်းဖြစ်ပါတယ်။
