မတ်လ ၂၄ ရက်နေ့က စတင်ကျင်းပနေတဲ့ ၂၀၂၅ စပိန်တိုး စက်ဘီးစီးပြိုင်ပွဲ အဆင့်-၁ မှာ ဗြိတိန် ဆယ်ကျော်သက် ဘရန်နန် အနိုင်ရခဲ့ပါတယ်။ အဆင့်-၁ အဖြစ် ၁၇၈ ဒသမ ၃ ကီလိုမီတာခရီးကို ပြိုင်ပွဲဝင်တွေ ယှဉ်ပြိုင်ခဲ့ရတာဖြစ် ပြီး မိုးရွာသွန်းနေတာကြောင့် တချို့ တောင်တက်လမ်းတွေမှာ ပြိုင်ပွဲဝင်တွေ သတိထား ယှဉ်ပြိုင်ခဲ့ကြရတာကို တွေ့ရပါတယ်။
အဆင့်-၁ ပြီးဆုံးဖို့ ၂ ကီလိုမီတာအလိုမှာ အယ်လ်ဖီစင် အသင်းသား ဂရိုဗက်စ်က ထိပ်ဆုံးကနေ လွတ်လွတ်ကျွတ်ကျွတ် ဦးဆောင်နိုင်ခဲ့ပါတယ်။ ဒါပေမဲ့ ပန်းဝင်ကာနီး အချိန်မှာတော့ ဂရိုဗက်စ် ပင်ပမ်းပြီး နှေးလာခဲ့လို့ နောက်ကနေ လိုက်လာခဲ့တဲ့ ဘရန်နန်နဲ့ ဂရော့ဆိုတို့ရဲ့ ဖိအားပေးတာကို ခံလာခဲ့ရတာပါ။ ပန်းဝင် လာချိန်မှာတော့ ဘရန်နန်က ကပ်ပြီးကျော်ဖြတ်ကာ ထိပ်ဆုံးကနေ ပန်းဝင် လာခဲ့တာဖြစ်ပါတယ်။
နောက်ဆုံး မိနစ် နောက်ဆုံးစက္ကန့်ရောက်မှ စိတ်လှုပ်ရှားစရာ အခိုက်အတန့်လည်း ဖြစ်ခဲ့ရပါတယ်။ အသက် ၁၉ နှစ်အရွယ် ဘရန်နန်အတွက်ကတော့ ကစားသမားဘဝ တိုးပြိုင်ပွဲရဲ့ အဆင့်တစ်ခုကို ပထမဆုံးအကြိမ် အနိုင်ရခဲ့တာလည်း ဖြစ်ပါတယ်။ အဆင့်-၇ ဆင့် ယှဉ်ပြိုင်ရမယ့် စပိန်တိုးပြိုင်ပွဲရဲ့ အဆင့်-၁ အပြီး မှာတော့ ဘရန်နန်က ၄ နာရီ ၂၅ မိနစ် ၁၇ စက္ကန့်ဆိုတဲ့ စံချိန်နဲ့ ထိပ်ဆုံးကနေ ရပ်တည်သွားနိုင်ခဲ့ပါတယ်။
